Egzod 15:25 - Labib An Kreol Seselwa

²⁵ Moiz ti kriy ver SENYER e SENYER ti montre li en pye dibwa. I ti zet en morso dan delo ki ti vin delo dou. La ki SENYER ti donn lepep en lalwa ek en regleman; la osi ki i ti teste zot.

Egzod 15:25 ပူးပေါင်းရင်းမြစ်များ

2 Rwa 2:21

Elize ti al kot sours delo e zet disel. I ti dir, “La sa ki SENYER i deklare: La mon fer sa delo prop. Personn pa pou mor ni fer fos kous akoz li.”

2 Rwa 4:41

Elize ti dir, “Anmenn en pe lafarin.” I ti zet sa lafarin dan marmit e dir, “Servi bann zonm e zot ava manze.” Alor, ti nepli annan nanryen move dan lasoup.

2 Rwa 6:6

Profet Bondye ti demande, “Kote in tonbe?” Ler i ti montre li landrwa, i ti koup en baton, e anvoy li dan sa landrwa, e latet lars ti flote.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 66:10

Mon Bondye! Ou'n teste nou. Ou'n pirifye nou parey larzan i ganny pirifye.

Psonm 81:7

Dan ou maler ou ti kriye e mon ti vin sov ou. Mon ti reponn ou depi dan sekre loraz; mon ti teste ou kot sours Meriba.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Psonm 99:6

Moiz ek Aaron ti parmi son bann pret. Samyel osi ti parmi bann ki ti envok son non.

Egzod 14:10

Kan Faraon ti pe aprose, pep Izrael ti lev lizye e la, zot ti war bann Ezipsyen pe pourswiv zot e zot ti per. Pep Izrael ti kriy ver SENYER.

Egzod 16:4

SENYER ti dir Moiz, “Mon pou fer dipen tonbe sorti dan lesyel pour zot. Tou le zour, lepep ava sorti e ranmas kantite neseser pour sak zour. Konmsa, mon pou teste zot pour war si zot pe obeir mon lalwa ou non.

Egzod 17:4

Alor, Moiz ti kriy ver SENYER, “Ki mon pou fer avek sa pep? Zot pre pour saboul mwan avek ros.”

Egzod 20:20

Moiz ti dir lepep, “Pa bezwen per, akoz Bondye in vin teste zot pour ki zot ava annan respe pour li e pa fer pese.”

Proverb 17:3

Dife i teste lor ek larzan; me SENYER i sond leker.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 9:7

Pour sa rezon, SENYER liniver i deklare: Mon pou pirifye mon pep parey ou pirifye metal dan dife; mon pou teste li. Ki mon kapab fer ankor avek mon pep?

Ezekyel 47:7

Letan mon ti pe retournen, mon ti war en kantite pye dibwa lo sak kote larivyer.

Ezekyel 47:8

I ti dir mwan: Sa larivyer i koul dan direksyon rezyon Les; i desann dan vale Araba ziska dan lanmer Mor e delo lanmer ava vin delo dou.

1 Korentyen 1:18

Annefe, mesaz lanmor Kris lo lakrwa i en lafoli pour bann ki pe al perdi. Me pour nou ki'n ganny sove, i en pwisans Bondye.

Deterononm 13:3

ou pa pou ekout bann parol sa profet oubyen sa vizyoner. Annefe, SENYER, ou Bondye pe teste ou. I oule konnen si vreman ou kontan SENYER, ou Bondye avek tou ou leker e avek ou et antye.

Deterononm 8:16

Dan dezer ki ou bann zanset pa ti konnen, i ti donn ou lamann pour manze, pour li imilye ou e teste ou, e alafen, pour ou prop dibyen.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Ziz 2:22

I ti dir sa, ti pour li teste bann Izraelit, pour war si zot pou swiv semen SENYER e mars parey zot bann zanset ti'n fer.

Ziz 3:1

SENYER ti les trankil sa bann nasyon pour ki atraver zot, i ava teste pep Izrael ki pa ti'n konn leksperyans lager dan Kanaan;

Ziz 3:4

I ti fer sa, pour teste bann Izraelit, pour konnen si Izrael ti pour obei bann komannman ki SENYER ti'n ordonn zot bann zanset, par lentermedyer Moiz.