Egzod 15:10 - Labib An Kreol Seselwa

¹⁰ Ou ti fer soufle ou divan e lanmer ti kouver zot. Zot ti koule parey diplon dan en lanmer formidab.

Egzod 15:10 ပူးပေါင်းရင်းမြစ်များ

Zenez 8:1

Bondye ti mazin Noe ek tou bann zannimo sovaz ek zannimo domestik ki ti avek li dan lars. I ti fer en divan soufle lo later e delo ti konmans desann.

2 Samyel 18:8

Batay ti fann dan pei antye. Ti annan plis dimoun ki ti perdi zot lavi dan lafore ki dan konba.

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 135:7

I fer nyaz leve lwen lo lorizon; i anvoy zekler ek lapli; i fer divan sorti dan son rezerv.

Psonm 147:18

Lo son lord, zot fonn; i fer son divan soufle, e delo i koule.

Egzod 14:21

Alor, Moiz ti lev son lanmen lo lanmer. Pandan tou lannwit, SENYER ti fer lanmer rekile par en gro divan Les, e fer lanmer vin sek.

Egzod 15:5

Fon lanmer ti kouver zot. Zot ti koul apik dan profonder parey en ros.

Proverb 30:4

Lekel ki'n mont dan lesyel e ki'n desann? Lekel ki'n atrap divan dan kre son lanmen? Lekel ki'n anvlop delo dan son lenz? Lekel ki'n plas bann limit later? Ki mannyer i apele? Koman son garson i apele? Si ou konnen, dir mwan.

Ezai 11:15

SENYER pou detri konpletman labe ki dan lanmer Lezip; i pou balans son lanmen lo larivyer Efrat; avek son souf pwisan, i pou diviz li an set kot dimoun ava kapab travers apye.

Zeremi 10:13

Kan i fer tande son lavwa, delo i anmase dan lesyel; i fer monte bann gro nyaz depi lorizon; i fer zekler anmenn lapli; i fer divan sorti dan son rezerv.

Zeremi 46:17

Laba, zot pe kriye: Faraon, lerwa Lezip i zis fer tapaz; in rat son sans.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Matye 8:27

Zot tou, zot ti etonnen e zot ti dir, “Lekel sa zonm, ki menm divan ek delo i obei li?”

Deterononm 11:4

Ou'n war sa ki i ti fer avek larme Ezipsyen, son bann seval ek kales lager. Ou'n war ki mannyer i ti fer delo lanmer Rouz kouver zot ler bann Ezipsyen ti pe pourswiv zot. SENYER in fer zot disparet pour touzour.