Egzod 14:29 - Labib An Kreol Seselwa

²⁹ Me bann Izraelit ti mars lo later ferm dan milye lanmer, avek en miray delo lo zot kote drwat e lo zot kote gos.

Egzod 14:29 ပူးပေါင်းရင်းမြစ်များ

2 Rwa 2:8

La, Eli ti pran son manto, roul li, tap delo avek. Delo ti separ an de. Tou le de ti travers lot kote larivyer san ganny mouye.

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 106:9

I ti komann lanmer Rouz e lanmer ti vin sek. I ti fer zot travers dan fon lanmer, konmsi zot ti pe travers dezer.

Psonm 136:13

I ti separ lanmer Rouz an de, son fidelite i dire pour touzour.

Psonm 78:13

I ti separ lanmer an de pour fer zot traverse; i ti fer delo debout parey en miray.

Egzod 14:22

Pep Izrael ti travers lo en semen sek dan milye lanmer. Delo ti form en miray lo zot kote drwat e lo zot kote gos.

Egzod 15:19

Bann seval Faraon, son bann kales lager ek son bann kavalye ti koule dan lanmer. SENYER ti fer lanmer retourn lo zot, me pep Izrael ti mars lo later ferm atraver lanmer.

Egzod 15:8

Ou soufle, e lanmer i rasanble; laroul ti monte parey en baraz; profonder lanmer ti vin solid.

Ezai 11:15

SENYER pou detri konpletman labe ki dan lanmer Lezip; i pou balans son lanmen lo larivyer Efrat; avek son souf pwisan, i pou diviz li an set kot dimoun ava kapab travers apye.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Ezai 51:10

Pa ou ki ti fer lanmer ek delo dan losean sek? Ou menm ki ti tras en semen dan profonder lanmer pour fer traverse bann ki ti'n ganny sove.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

1 Korentyen 10:1

Mon bann frer ek ser! Mon oule zot konnen sa ki ti arive avek nou bann zanset dan tan Moiz. Zot tou, zot ti anba proteksyon nyaz; zot tou, zot ti travers lanmer.

Zozye 3:16

delo ti aret koule, e delo ki pli o ti reste an plas lo en long distans ziska Adan, en lavil ki akote Sartann. Par anba, delo larivyer ki ti pe koul dan direksyon lanmer Araba, lanmer Mor, ti konpletman sek. Alor, lepep ti travers vizavi Zeriko.