Egzod 14:27 - Labib An Kreol Seselwa

²⁷ Alor, Moiz ti lev son lanmen lo lanmer. Lo granmaten, delo ti retourn dan son plas. Bann Ezipsyen ti sove ler lanmer ti vini me SENYER ti debaras li avek zot dan milye lanmer.

Egzod 14:27 ပူးပေါင်းရင်းမြစ်များ

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 106:11

Delo ti kouver zot bann ladverser; personn pa ti sape.

Psonm 136:15

I ti detri Faraon ek son larme dan lanmer Rouz, son fidelite i dire pour touzour.

Psonm 78:53

I ti anmenn zot an sekirite. Zot pa ti bezwen per kan lanmer ti ferm lo zot bann lennmi.

Ezai 10:26

SENYER liniver pou lev son roten kont Asiri, parey i ti fwet Madyann lo Ros Horeb; i pou lev son baton lo lanmer; i pou lev li parey i ti fer Lezip.

Deterononm 11:4

Ou'n war sa ki i ti fer avek larme Ezipsyen, son bann seval ek kales lager. Ou'n war ki mannyer i ti fer delo lanmer Rouz kouver zot ler bann Ezipsyen ti pe pourswiv zot. SENYER in fer zot disparet pour touzour.

Ebre 11:29

Par lafwa, pep Izrael ti travers lanmer Rouz konmsi ti later sek. Me kan bann Ezipsyen ti esey fer parey, zot tou, zot ti noye.

Zozye 24:7

Kan zot ti kriy ver SENYER, i ti met fernwanr ant zot avek bann Ezipsyen; i ti fer lanmer kouver zot. Zot lizye ti war sa ki mon ti fer kont Lezip. Zot ti reste lontan dan dezer.

Zozye 4:18

Ler bann pret ki ti pe anmenn Kof Lalyans SENYER ti sorti dan milye larivyer Zourden, e koman zot ti lev zot lipye pour al dan direksyon later, delo larivyer Zourden ti rekonmans koule e deborde lo sak kote, parey avan.