Egzod 14:25 - Labib An Kreol Seselwa

²⁵ I ti blok larou zot kales lager; zot ti ganny difikilte pour avanse. Alor, bann Ezipsyen ti dir, “Annou sove pour sap bann Izraelit, akoz SENYER pe konbat kont Lezip pour zot.”

Egzod 14:25 ပူးပေါင်းရင်းမြစ်များ

2 Kronik 20:29

Kan tou bann rwayonm ti tande ki mannyer SENYER in konbat bann lennmi Izrael, zot ti ganny gran lafreyer pour Bondye.

Nehemi 4:14

Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Nehemi 6:16

Kan tou nou bann lennmi ti antann sa, e ki bann nasyon otour nou ti war sa miray, zot ti kanmi. Zot ti rekonnet ki sa travay ti'n ganny realize gras a led nou Bondye.

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Liv Zob 11:20

Me lizye bann malfeter pou fatige. Zot pa pou war okenn semen sove. Lanmor pou zot dernyen lespwar.

Liv Zob 20:24

Si i esey sov bann kou avek zarm an fer, en dart an bronz pou pers li.

Liv Zob 27:22

San pitye Bondye i fwet li; zot fer tou pour pa ganny tape.

Psonm 35:1

SENYER! Akiz sa bann ki akiz mwan. Atak sa bann ki atak mwan.

Psonm 46:9

I fer lager arete partou lo later; i kas bann fles, i detri bann lans; i met dife dan bann boukliye.

Psonm 68:12

Bann lerwa ek zot larme pe sove! Zot pe sove! Bann fanm ki'n reste dan kan pe partaz bann depouy lager.

Psonm 76:6

Bondye Zakob! Kan ou ti menas zot, bann kavalye ek zot seval ti tonm san konnesans.

Egzod 14:14

SENYER pou lager pour zot. Zot, zis reste trankil.”

Egzod 14:18

Bann Ezipsyen ava konnen ki mwan menm SENYER, kan zot ava war mon grander atraver Faraon, son bann kales lager ek son bann kavalye.”

Egzod 14:4

Mon pou andirsi leker Faraon; i pou pourswiv zot e mon pou ganny laglwar atraver Faraon ek son pep. Tou Ezipsyen pou konnen ki se mwan SENYER”. Sanmenm ki zot ti fer.

Egzod 15:3

SENYER i en gerye, Son non i SENYER.

Ezai 31:4

La sa ki SENYER ti dir mwan: Ler en lyon oubyen son piti i gronnyen pour gard sa zannimo ki i'n atrape; ler bann berze i vir kont li, i pa fatig li avek zot kriye, ni trakas li. La ki mannyer SENYER liniver pou desann, pour lager lo montanny Siyon e son kolin.

Zeremi 51:21

Avek ou, mon'n kraz bann seval ek zot kavalye, bann kales lager ek zot kondikter.

Amos 1:14

mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

Amos 5:19

Sa zour pou parey en zonm ki pe taye devan en lyon, pour li rankontre en lours, kan i rantre kot li, i apiy son lanmen kont miray e en serpan i pik li.

Amos 9:1

Mon ti war SENYER debout kot lotel. I ti dir: Tap kornis bann kolonn e son fondasyon i ganny sekwe! Kraz zot e fer tonm lo zot latet; Mon pou fer masakre sa bann ki reste. Personn pa pou sape; personn pa pou kapab sove.

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Deterononm 3:22

Pa bezwen per zot, akoz SENYER, zot Bondye pou konbat pour zot.

Deterononm 32:31

Me zot protekter pa parey nou Ros protekter; menm nou bann lennmi i rekonnet.

Zozye 10:14

Zanmen avan, ni apre, in deza annan en zour parey sa, kot SENYER in ekout en zonm. Annefe, SENYER ti pe lager pour Izrael.

Ziz 4:15

Alor, devan Barak, SENYER ti fer Sisera panike, li, avek tou son bann kales lager ek tou son larme. I ti masakre zot tou. Sisera ti desann depi son kales lager e sove apye.