Egzod 14:22 - Labib An Kreol Seselwa

²² Pep Izrael ti travers lo en semen sek dan milye lanmer. Delo ti form en miray lo zot kote drwat e lo zot kote gos.

Egzod 14:22 ပူးပေါင်းရင်းမြစ်များ

2 Rwa 2:14

I ti pran manto ki Eli ti'n les tonbe. I ti tap delo avek e dir, “Oli SENYER, Bondye Eli?” Elize ti tap lo delo; delo ti separ an de e i ti traverse.

2 Rwa 2:8

La, Eli ti pran son manto, roul li, tap delo avek. Delo ti separ an de. Tou le de ti travers lot kote larivyer san ganny mouye.

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 106:9

I ti komann lanmer Rouz e lanmer ti vin sek. I ti fer zot travers dan fon lanmer, konmsi zot ti pe travers dezer.

Psonm 136:13

I ti separ lanmer Rouz an de, son fidelite i dire pour touzour.

Psonm 136:14

I ti fer Izrael pas atraver; son fidelite i dire pour touzour.

Psonm 66:6

In fer lanmer vin later sek; dimoun ti travers larivyer apye. Alor, nou ti fer lafet.

Psonm 74:15

Ou ki'n fer koule bann sours delo ek bann larivyer, ou'n fer sek bann gran larivyer ki pa zanmen sek.

Psonm 78:13

I ti separ lanmer an de pour fer zot traverse; i ti fer delo debout parey en miray.

Egzod 14:29

Me bann Izraelit ti mars lo later ferm dan milye lanmer, avek en miray delo lo zot kote drwat e lo zot kote gos.

Egzod 15:19

Bann seval Faraon, son bann kales lager ek son bann kavalye ti koule dan lanmer. SENYER ti fer lanmer retourn lo zot, me pep Izrael ti mars lo later ferm atraver lanmer.

Egzod 15:8

Ou soufle, e lanmer i rasanble; laroul ti monte parey en baraz; profonder lanmer ti vin solid.

Ezai 11:15

SENYER pou detri konpletman labe ki dan lanmer Lezip; i pou balans son lanmen lo larivyer Efrat; avek son souf pwisan, i pou diviz li an set kot dimoun ava kapab travers apye.

Ezai 11:16

Pou annan en larout sorti Asiri pour restan son pep ki pou ankor laba, parey ti annan enn pour Izrael ler i ti sorti Lezip.

Ezai 43:16

La sa ki SENYER i deklare: Sa enn ki ouver en semen dan lanmer, en santye atraver bann gro laroul,

Ezai 51:10

Pa ou ki ti fer lanmer ek delo dan losean sek? Ou menm ki ti tras en semen dan profonder lanmer pour fer traverse bann ki ti'n ganny sove.

Ezai 63:12

Pandan lamars, lekel ki ti soutenir Moiz par son lebra pwisan? I ti separ lanmer devan zot pour li fer son non ganny renonmen pour touzour.

Ezai 63:13

I ti kondwir zot dan bann profonder e parey en seval dan dezer zot pa ti tonbe.

Zakari 2:5

La sa ki SENYER liniver i deklare, “Deor, mon pou en miray dife otour li. Anndan, mon pou son laglwar.”

Nonm 33:8

Zot ti kit Pi-Hirot e travers lanmer dan direksyon dezer. Apre trwa zour lanmars dan dezer Etanm, zot ti al kanpe Mara.

1 Korentyen 10:1

Mon bann frer ek ser! Mon oule zot konnen sa ki ti arive avek nou bann zanset dan tan Moiz. Zot tou, zot ti anba proteksyon nyaz; zot tou, zot ti travers lanmer.

Ebre 11:29

Par lafwa, pep Izrael ti travers lanmer Rouz konmsi ti later sek. Me kan bann Ezipsyen ti esey fer parey, zot tou, zot ti noye.

Zozye 3:16

delo ti aret koule, e delo ki pli o ti reste an plas lo en long distans ziska Adan, en lavil ki akote Sartann. Par anba, delo larivyer ki ti pe koul dan direksyon lanmer Araba, lanmer Mor, ti konpletman sek. Alor, lepep ti travers vizavi Zeriko.

Zozye 3:17

Bann pret ki ti pe anmenn Kof Lalyans SENYER ti debout kot ti sek, dan milye larivyer Zourden, ziska ki nasyon antye ti'n fini travers larivyer Zourden.

Zozye 4:22

Alor, zot ava fer zot bann zanfan konnen ki pep Izrael ti travers larivyer Zourden isi, dan sek.

1 Samyel 25:16

Zot ti koman en miray proteksyon otour nou, lizour koman aswar, toultan ki nou ti la avek zot, pour gard nou troupo.