Egzod 14:21 - Labib An Kreol Seselwa

²¹ Alor, Moiz ti lev son lanmen lo lanmer. Pandan tou lannwit, SENYER ti fer lanmer rekile par en gro divan Les, e fer lanmer vin sek.

Egzod 14:21 ပူးပေါင်းရင်းမြစ်များ

Zenez 8:1

Bondye ti mazin Noe ek tou bann zannimo sovaz ek zannimo domestik ki ti avek li dan lars. I ti fer en divan soufle lo later e delo ti konmans desann.

2 Rwa 2:8

La, Eli ti pran son manto, roul li, tap delo avek. Delo ti separ an de. Tou le de ti travers lot kote larivyer san ganny mouye.

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Liv Zob 26:12

Par son lafors, Bondye i domin lanmer; par son disernman, in touy Rahab, sa bebet lanmer.

Liv Zob 38:24

Eski ou konn semen ki al kot lalimyer i sorti? Oubyen kote divan Les i sorti pour soufle lo later?

Psonm 136:13

I ti separ lanmer Rouz an de, son fidelite i dire pour touzour.

Psonm 148:8

dife ek lagrel, lannez ek brouyar, tanpet divan ki egzekit son komannman! Loue SENYER!

Psonm 66:6

In fer lanmer vin later sek; dimoun ti travers larivyer apye. Alor, nou ti fer lafet.

Psonm 74:13

Avek ou lanmen pwisan, ou ti separ lanmer an de e kraz latet bann mons lanmer.

Psonm 78:13

I ti separ lanmer an de pour fer zot traverse; i ti fer delo debout parey en miray.

Egzod 14:16

Ou! Pran ou baton, lev ou lanmen lo lanmer e fann li pour ki pep Izrael ava kapab travers apye ziska lo sek.

Egzod 14:20

I ti plas li ant kan bann Ezipsyen ek kan bann Izraelit. Sa nyaz ti fernwanr en kote; me lot kote ti kler dan lannwit. Zot pa ti apros kanmarad pandan lannwit.

Egzod 15:8

Ou soufle, e lanmer i rasanble; laroul ti monte parey en baraz; profonder lanmer ti vin solid.

Egzod 7:19

SENYER ti dir Moiz, “Dir Aaron: Pran ou baton e lev ou lanmen lo tou bann delo ki annan dan Lezip: Larivyer, brans larivyer Nil, lanmar ek tou bann rezervwar delo. Zot ava vin disan e disan ava repann partou dan Lezip, ziska dan bann resipyan an bwa e an pyer.”

Ezai 23:11

SENYER in lev son lanmen lo lanmer; in sekwe bann rwayonm. SENYER in donn lord detri bann fortifikasyon bann Kananeen.

Ezai 43:16

La sa ki SENYER i deklare: Sa enn ki ouver en semen dan lanmer, en santye atraver bann gro laroul,

Ezai 44:27

Mwan ki dir avek losean: Vin sek. Mon pou fer sek bann larivyer.

Ezai 50:2

Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Ezai 51:10

Pa ou ki ti fer lanmer ek delo dan losean sek? Ou menm ki ti tras en semen dan profonder lanmer pour fer traverse bann ki ti'n ganny sove.

Ezai 51:15

Mwan SENYER, ou Bondye mon fer lanmer vin move e bann laroul ronfle. SENYER liniver i son non.

Ezai 63:12

Pandan lamars, lekel ki ti soutenir Moiz par son lebra pwisan? I ti separ lanmer devan zot pour li fer son non ganny renonmen pour touzour.

Ezai 63:13

I ti kondwir zot dan bann profonder e parey en seval dan dezer zot pa ti tonbe.

Habakouk 3:8

SENYER! Eski ou gran lakoler ti kont bann larivyer? Alor, ou gran lakoler i kont bann larivyer e kont lanmer, kan ou mont lo ou bann seval ek ou bann kales pour laviktwar.

Akt de Zapot 7:36

Pour li fer bann Izraelit sorti Lezip, Moiz ti fer serten siny ek mirak dan sa pei, dan lanmer Rouz e pandan 40 an dan dezer.

Zozye 2:10

Nou'n tande ki mannyer SENYER ti fer sek lanmer Rouz devan zot, ler zot ti sorti Lezip, e tou sa ki zot ti fer avek sa de lerwa Amorit, Sihonn ek Og ki zot ti detri konpletman, dan Les larivyer Zourden.

Zozye 3:17

Bann pret ki ti pe anmenn Kof Lalyans SENYER ti debout kot ti sek, dan milye larivyer Zourden, ziska ki nasyon antye ti'n fini travers larivyer Zourden.

Zozye 4:23

Annefe, SENYER, zot Bondye ti fer sek larivyer Zourden pour zot, ziska ki zot ti'n fini traverse, parey SENYER, zot Bondye ti fer sek lanmer Rouz pour nou, ziska ki nou ti'n fini traverse.