Egzod 12:8 - Labib An Kreol Seselwa

⁸ Sa menm swar, zot ava manz sa lavyann; zot ava manz lavyann roti lo dife avek bann dipen san lelven ek zerb anmer.

Egzod 12:8 ပူးပေါင်းရင်းမြစ်များ

2 Kronik 35:13

Zot ti fer tou dapre lareg: Roti zenn mouton Pak lo dife, kwi bann lofrann sakre dan bann marmit, sodyer, ek lezot resipyan e servi lepep ki ti la, toudswit apre.

Psonm 22:14

Mon lafors in koule parey delo; tou mon bann lezo in large. Parey lasir, mon leker i fonn dan mon pwatrin.

Egzod 1:14

Zot ti rann zot lavi anmer dan lesklavaz par travay mortye ek brik, e tou kalite lezot travay dan plantasyon. Zot ti ganny forse fer bann travay dir, san pitye.

Egzod 12:9

Pa manz sa lavyann kri oubyen bwi dan delo, me roti lo dife, avek son latet, lapat ek trip.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 13:7

Ou ava manz dipen san lelven pandan set zour. Fodre pa ki i annan dipen avek lelven kot ou; fodre pa ki i annan okenn lelven dan tou ou teritwar.

Egzod 23:18

Ou pa pou ofer disan mon sakrifis avek dipen kwi avek lelven, ni les lagres mon sakrifis reste ziska lannmen bomaten.

Egzod 34:25

Ou pa pou ofer disan en sakrifis avek lelven e ou pa pou les lavyann sakrifis lapannkot reste ziska lannmen bomaten.

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.

Amos 4:5

Ofer lofrann remersiman avek dipen leve. Proklanm bann lofrann, devan pep Izrael! Sanmenm ki zot kontan! Senyer BONDYE ki deklare.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Matye 16:12

Alor, bann disip ti konpran ki Zezi pa ti pe dir zot fer atansyon kont lelven ki servi pour fer dipen, me fer atansyon kont lansennyman bann Farizyen ek bann Sadiseen.

Matye 26:26

Pandan ki zot ti pe manze, Zezi ti pran en dipen. I ti remersye Bondye, kas sa dipen e donn son bann disip. I ti dir, “Pran, manze; sa i mon lekor.”

Galat 5:9

Parey proverb i dir: En pti pe lelven i fer leve lapat antye.

Deterononm 16:7

Ou ava kwi sa zannimo e manz li la kot SENYER, ou Bondye ava'n swazir; lannmen bomaten, ou ava kapab retourn dan ou latant.

1 Tesalonisyen 1:6

Zot in swiv nou legzanp ek legzanp nou Senyer; menm si zot in bokou soufer, zot in resevwar Parol Bondye avek lazwa dan Lespri Sen.