Egzod 12:48 - Labib An Kreol Seselwa

⁴⁸ Si en etranze ki pe reste kot ou i anvi obzerv Pak pour SENYER, fodre ki bann mal ki kot li i ganny sirkonsi. Alor, i ava kapab aprose pour partisipe; i ava ganny konsidere koman en sitwayen. Me tou sa ki pa'n ganny sirkonsi, pa pou kapab manz sa zannimo.

Egzod 12:48 ပူးပေါင်းရင်းမြစ်များ

Zenez 17:11

Ou devre ganny sirkonsi; sa i ava en siny lalyans ant mwan ek ou.

Zenez 17:12

Ou ava sirkonsi tou mal ki annan wit zour parmi zot, atraver tou zenerasyon, menm sa lesklav ki'n ne dan ou lakaz, oubyen ki'n ganny aste avek en etranze, ki pa sorti dan ou desandans.

Egzod 12:19

Pandan set zour pa devre annan okenn lelven dan zot lakaz. Si okenn dimoun i manz keksoz avek lelven, ki i en etranze oubyen en sitwayen, i ava ganny sase parmi pep Izrael.

Egzod 12:43

SENYER ti dir Moiz ek Aaron, “La regleman pour selebre Pak: Okenn etranze pa devre manz repa Pak.

Ezekyel 14:7

Akoz sa, kan en dimoun parmi pep Izrael, oubyen en etranze ki reste dan pei Izrael, ki'n abandonn mwan, e ki gard son zidol dan son leker e plas en lobstak par son fot, ki vin konsilte mwan atraver en profet, mwan SENYER ki pou reponn li.

Ezekyel 44:9

La sa ki Senyer BONDYE i deklare: Okenn etranze, ki pa'n sirkonsi, dan son leker e dan son lekor, ni okenn etranze ki pe reste parmi pep Izrael, pa devre antre dan mon sanktyer.

Ezekyel 47:22

Zot ava pran koman zot posesyon e pour bann etranze ki viv parmi zot e ki'n ganny zanfan dan pei. Zot ava konsider zot koman Izraelit. Zot ava ganny en par later parmi bann tribi Izrael.

Levitik 19:34

Tret sa etranze ki'n vin reste kot ou koman en sitwayen parmi zot. Kontan sa etranze parey ou menm akoz ou osi, ou ti etranze dan pei Lezip: Mwan menm SENYER ou Bondye.

Nonm 9:14

Si en etranze pe reste parmi zot e i anvi selebre Pak an loner SENYER, i devre swiv menm regleman ek bann koutim ki'n ganny etabli pour sa lafet. Zot ava aplik menm regleman pour bann etranze e pour bann natif.

Galat 3:28

Alor, i nepli annan okenn diferans ant Zwif ek non-Zwif, ant lesklav e ant dimoun lib, zonm oubyen fanm, akoz zot tou, zot in vin en sel avek Zezi-Kri.

Kolosyen 3:11

Alor, i nepli annan okenn distenksyon ant Zwif ek non-Zwif; sirkonsi ek ensirkonsi. I nepli annan etranze ek non-sivilize, lesklav ek dimoun lib, me se Kris ki tou e dan tou.