Egzod 12:33 - Labib An Kreol Seselwa

³³ Bann Ezipsyen ti fer bann Izraelit degaze pour kit pei pli vit posib, akoz zot ti pe dir: Nou tou nou pou mor.

Egzod 12:33 ပူးပေါင်းရင်းမြစ်များ

Zenez 20:3

Pandan lannwit, Bondye ti aparet avek Abimelek dan en rev. I ti dir li, “Ou pou mor akoz sa fanm ki ou'n pran, i en fanm marye.”

Psonm 105:38

Bann Ezipsyen ti kontan ler zot ti'n ale, akoz lafreyer ti'n sezi zot.

Egzod 10:7

Dimoun dan lantouraz Faraon ti dir: Ziska kan sa zonm pou kontinyen anmenn maler lo nou? Les sa pep ale pour zot al servi SENYER, zot Bondye. Eski ou pa ankor konpran ki Lezip in ganny detri?

Egzod 11:1

SENYER ti dir Moiz, “Mon pou anvoy ankor en dernyen fleo lo Faraon e lo Lezip. Apre sa, i pou les zot ale. Kan i ava les zot ale, i pou menm sas zot.

Egzod 12:39

Zot ti kwi galet san lelven avek lapat ki zot ti'n anmennen sorti Lezip e ki pa ti'n monte. Annefe, zot ti'n ganny sase Lezip, san ki zot ti kapab fer okenn provizyon pour zot menm.

Egzod 6:1

SENYER ti dir Moiz, “Aprezan, ou ava war ki mon pou fer avek Faraon: Par pwisans mon lanmen ki i pou les ale mon pep, par pwisans mon lanmen ki i pou sas zot dan son pei.”

Ezai 52:12

Sa fwa si, ou pa pou sorti an presan; ou pa pou al an tayan; akoz SENYER pou mars devan ou e Bondye Izrael ava protez ou par deryer.

Danyel 3:22

Vi ki lord lerwa ti irzan e fourno ti bokou pli so, lafors laflanm dife ti touy sa bann zonm ki ti'n zet Sadrak, Mesak ek Abed-Nego dan fourno.