Egzod 12:23 - Labib An Kreol Seselwa

²³ SENYER pou pase pour touy bann Ezipsyen. Kan i ava war sa disan lo lento e lo poto laport, SENYER pou sot sa lakaz; i pa pou les sa fleo antre kot zot.

Egzod 12:23 ပူးပေါင်းရင်းမြစ်များ

2 Samyel 24:16

Amezir ki sa mesaze ti lev son lanmen lo Zerizalenm pour detri sa lavil, SENYER ti regret sa maler. I ti dir sa mesaze destrikter ki ti parmi lepep: Ase! Arete aprezan! Mesaze SENYER ti pre kot Aravna, sa Zebizit, i bat dible.

Liv Zob 14:13

Mon ti ava kontan ou kasyet mwan dan lemonn lanmor; kasyet mwan la ziska ki ou lakoler i pase. Ou ava fikse en letan kan ou pou mazin mwan.

Egzod 11:4

Moiz ti dir, “La sa ki SENYER i deklare: Ver milye lannwit, mon pou pas Lezip;

Egzod 12:7

Zot ava pran en pe disan e met lo de poto laport ek lo lento laport lakaz kot zot pou manze.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Ezai 37:36

Sa menm swar, lanz SENYER sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Ezekyel 9:4

SENYER ti dir li, “Al partou atraver lavil, atraver Zerizalenm; met en mark lo fron bann ki plennyen e plere akoz bann aksyon degoutan ki ganny komet dan sa lavil.”

Ezekyel 9:6

Touy zot tou: Vyeyar, zennzan, zenn fiy, pti zanfan ek bann fanm, me pa tous personn ki annan mark lo fron. Ou ava konmans par mon sanktyer.” Alor, zot ti konmans touy bann ansyen ki ti devan tanp.

1 Korentyen 10:10

Pa plennyen parey serten parmi zot ti fer e zot ti ganny eksterminen.

Ebre 11:28

Par lafwa, i ti selebre Pak e donn lord pour asperz disan lo laport bann lakaz, pour ki lanz ki donn lanmor, pa touy bann premye ne parmi pep Izrael.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Revelasyon 7:3

Pa fer dimal later, lanmer oubyen okenn pye dibwa, ziska ki nou ava'n fini mark avek sele fron bann serviter Bondye.

Revelasyon 9:4

Bann sotrel ti ganny lord pour pa fer dimal zerb lo later, ni pye dibwa, ni okenn plant, me zis bann zonm ki pa ti'n ganny marke avek sele Bondye lo zot fron.