Egzod 12:22 - Labib An Kreol Seselwa

²² Pran en brans izop, tranp li dan disan ki dan en bol e frot li lo lento e lo de poto laport son lakaz. Personn pa devre sorti dan son lakaz ziska bomaten.

Egzod 12:22 ပူးပေါင်းရင်းမြစ်များ

Psonm 51:7

Pirifye mwan avek brans izop e mon ava prop. Lav mwan e mon ava vin pli blan ki lannez.

Egzod 12:7

Zot ava pran en pe disan e met lo de poto laport ek lo lento laport lakaz kot zot pou manze.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Nonm 19:18

En dimoun ki pir, ava pran en brans izop, tranp li dan sa delo e fer aspersyon lo latant, lo tou bann resipyan, lo tou dimoun ki la, lo sa enn ki'n tous sa kadav, e osi swa lo sa zonm ki'n ganny touye, swa lo sa lekor mor, ou swa sa latonm.

Matye 26:30

Apre ki zot ti'n sant bann psonm lafet, zot ti al lo montanny Zolivye.

Ebre 11:28

Par lafwa, i ti selebre Pak e donn lord pour asperz disan lo laport bann lakaz, pour ki lanz ki donn lanmor, pa touy bann premye ne parmi pep Izrael.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 9:1

Sa premye lalyans ti annan son bann regleman konsernan ladorasyon ek en sanktyer ki lo later.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Ebre 9:19

Annefe, Moiz ti proklanm tou komannman Bondye devan lasanble pep Izrael, dapre Lalwa. Apre, i ti pran disan bann toro, bann bouk ek delo. Avek lalenn rouz ek en brans izop, i ti asperz lo liv Lalwa e lo pep antye.

Zozye 2:19

Si enn parmi zot i sorti deor sa lakaz e al lo semen, i pou responsab son prop lanmor e nou, nou ava kit. Me, si okenn dimoun ki dan ou lakaz i ganny atake, alor nou, nou ava responsab.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.