Egzod 12:19 - Labib An Kreol Seselwa

¹⁹ Pandan set zour pa devre annan okenn lelven dan zot lakaz. Si okenn dimoun i manz keksoz avek lelven, ki i en etranze oubyen en sitwayen, i ava ganny sase parmi pep Izrael.

Egzod 12:19 ပူးပေါင်းရင်းမြစ်များ

Egzod 12:15

Pandan set zour, zot pou manz dipen san lelven. Depi premye zour, zot devre tir tou lelven dan zot lakaz. Si en dimoun i manz dipen kwi avek lelven ant premye zour ek setyenm zour, i pou ganny sase parmi pep Izrael.

Egzod 12:20

Zot pa devre manz nanryen ki'n kwi avek lelven. Partou dan zot lakaz, zot devre manz dipen san lelven.

Egzod 12:43

SENYER ti dir Moiz ek Aaron, “La regleman pour selebre Pak: Okenn etranze pa devre manz repa Pak.

Egzod 12:48

Si en etranze ki pe reste kot ou i anvi obzerv Pak pour SENYER, fodre ki bann mal ki kot li i ganny sirkonsi. Alor, i ava kapab aprose pour partisipe; i ava ganny konsidere koman en sitwayen. Me tou sa ki pa'n ganny sirkonsi, pa pou kapab manz sa zannimo.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 13:7

Ou ava manz dipen san lelven pandan set zour. Fodre pa ki i annan dipen avek lelven kot ou; fodre pa ki i annan okenn lelven dan tou ou teritwar.

Egzod 23:15

Ou ava obzerv lafet Dipen san lelven. Ou ava manz dipen san lelven pandan set zour, parey mon'n ordonn ou, dan letan fikse dan mwan Abib, kan zot ti sorti Lezip. Personn pa pou vin devan mwan lanmen vid.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Egzod 34:18

Ou ava obzerv lafet dipen san lelven. Pandan set zour, dan moman fikse, dan mwan bann zepi, ou ava manz dipen san lelven, parey mon ti ordonn ou, akoz ti pandan mwan bann zepi ki ou ti sorti Lezip.

Levitik 23:5

Premye mwan, katorzyenm zour, ler lannwit pe tonbe, pou annan en selebrasyon Pak an loner SENYER.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.

Deterononm 16:3

Pandan lafet, ou pa pou manz nanryen ki'n kwi avek lelven. Pandan set zour, ou ava manz dipen san lelven, en dipen douler, akoz ou ti kit Lezip an tayan. Alor, sa i ava rapel ou tou dilon ou lavi, sa zour ki ou ti sorti Lezip.