Egzod 12:15 - Labib An Kreol Seselwa

¹⁵ Pandan set zour, zot pou manz dipen san lelven. Depi premye zour, zot devre tir tou lelven dan zot lakaz. Si en dimoun i manz dipen kwi avek lelven ant premye zour ek setyenm zour, i pou ganny sase parmi pep Izrael.

Egzod 12:15 ပူးပေါင်းရင်းမြစ်များ

Zenez 17:14

En mal ki pa'n ganny sirkonsi dan son laser pou ganny separe parmi son pep, akoz in kas mon lalyans.”

2 Kronik 30:21

Tou bann Izraelit ki ti prezan dan Zerizalenm ti selebre lafet dipen san lelven dan lazwa pandan set zour, tandis ki bann levit ek bann pret ti sante e selebre SENYER avek tou zot lafors, tou le zour, akonpannyen par lenstriman lanmizik pwisan an loner SENYER.

Esdras 6:22

Answit, pandan set zour, zot ti selebre dan lazwa lafet Dipen san lelven, akoz SENYER ti'n donn zot lazwa e i ti'n tous leker lerwa Lasiri dan zot faver. Sa ti ed zot dan travay tanp Bondye Izrael.

Egzod 12:8

Sa menm swar, zot ava manz sa lavyann; zot ava manz lavyann roti lo dife avek bann dipen san lelven ek zerb anmer.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 23:15

Ou ava obzerv lafet Dipen san lelven. Ou ava manz dipen san lelven pandan set zour, parey mon'n ordonn ou, dan letan fikse dan mwan Abib, kan zot ti sorti Lezip. Personn pa pou vin devan mwan lanmen vid.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Egzod 30:38

En dimoun ki esey fer en parfen parey, pour li santi son loder, pou ganny sase dan kominote.

Egzod 31:14

Zot ava obzerv saba, akoz i sakre pour zot. Sa enn ki pa gard li pou ganny touye. Sa enn ki travay zour saba ava ganny sase dan kominote.

Egzod 34:18

Ou ava obzerv lafet dipen san lelven. Pandan set zour, dan moman fikse, dan mwan bann zepi, ou ava manz dipen san lelven, parey mon ti ordonn ou, akoz ti pandan mwan bann zepi ki ou ti sorti Lezip.

Egzod 34:25

Ou pa pou ofer disan en sakrifis avek lelven e ou pa pou les lavyann sakrifis lapannkot reste ziska lannmen bomaten.

Levitik 17:10

Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 17:14

Lavi tou kreatir i dan son disan. Pour sa rezon ki mon'n dir pep Izrael: Ou pa pou manz disan okenn kreatir, akoz lavi tou kreatir i dan son disan; nenport dimoun ki manz li, pou ganny rezete dan kominote Izrael.

Malasi 2:12

Mon demande ki SENYER i detri sa zonm ki'n fer sa aksyon parmi pep Izrael, e nenport ki, menm sa enn ki anmenn en lofrann devan SENYER liniver.

Nonm 28:17

Son lannmen, kenzyenm zour sa premye mwan, zot ava fer en lafet. Zot ava manz dipen san lelven pandan set zour.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.

Matye 16:12

Alor, bann disip ti konpran ki Zezi pa ti pe dir zot fer atansyon kont lelven ki servi pour fer dipen, me fer atansyon kont lansennyman bann Farizyen ek bann Sadiseen.

Levanzil dapre Lik 12:1

Pandan sa letan, plizyer milye dimoun ti'n rasanble e ti pe mars lo lipye kanmarad. Zezi ti dir dabor avek son bann disip, “Fer atansyon lelven bann Farizyen, savedir zot lipokrizi.

Levanzil dapre Lik 2:43

Kan lafet ti'n fini, zot ti retournen. Me Zezi ti'n reste Zerizalenm, san ki son paran ti remarke.

Akt de Zapot 12:3

Kan i ti war ki tousala ti fer plezir bann Zwif, i ti osi fer aret Pyer. Sa ti pas pandan lafet Dipen san lelven.

Galat 5:12

Mon demande ki sa bann dimoun ki pe trouble zot, zot sizle zot prop lekor!

Deterononm 16:3

Pandan lafet, ou pa pou manz nanryen ki'n kwi avek lelven. Pandan set zour, ou ava manz dipen san lelven, en dipen douler, akoz ou ti kit Lezip an tayan. Alor, sa i ava rapel ou tou dilon ou lavi, sa zour ki ou ti sorti Lezip.

Deterononm 16:5

Ou pa pou kapab ofer sakrifis Pak dan okenn bann lavil ki SENYER, ou Bondye pe al donn ou,

Deterononm 16:8

Pandan sis zour, ou ava manz dipen san lelven; son setyenm zour i ava annan en gran rasanbleman solannel an loner SENYER, ou Bondye. Ou pa devre travay sa zour.