Egzod 1:7 - Labib An Kreol Seselwa

⁷ Bann Izraelit ti annan bokou zanfan. Zot ti ranpli Lezip e vin deplizanpli tre for.

Egzod 1:7 ပူးပေါင်းရင်းမြစ်များ

Zenez 1:20

Bondye ti dir: Bann delo ava ranpli avek toudsort kreatir vivan, e i ava annan bann zwazo ki anvole dan lesyel par lao sirfas later!

Zenez 1:28

Bondye ti beni zot. I ti dir: Zot ava fer zanfan, zot ava ogmante e ranpli later; zot ava soumet anba zot dominasyon, tou pwason dan lanmer, tou zwazo dan lesyel ek tou zannimo ki bouze lo later!

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 15:5

SENYER ti anmenn li deor e dir li, “Lev ou lizye anler, get lesyel, e kont bann zetwal si ou kapab; la ki mannyer ou desandans pou ete.”

Zenez 17:16

Mon pou beni li, e mon pou osi donn ou en garson atraver li. Mon pou beni li, e i pou vin manman en bann nasyon. Bann lerwa bokou pep pou sorti parmi son desandans.”

Zenez 22:17

mon pou beni ou. Mon pou ogmant ou desandans e fer zot vin parey zetwal dan lesyel e parey bann gren disab lo bor lanmer. Ou desandans pou pran posesyon bann lavil zot bann lennmi.

Zenez 26:22

I ti kit la e al fouy en lot pwi e lo sa enn, ti napa lager. Alor, i ti apel li Reobot, savedir, lespas lib. I ti dir, “La aprezan SENYER in donn nou lespas lib pour nou e nou ava prospere dan sa pei.”

Zenez 26:4

Mon pou ogmant ou desandans e fer zot vin parey zetwal dan lesyel. Mon pou donn ou desandans tou sa bann pei, e par ou desandans, tou bann nasyon lo later pou ganny beni.

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Zenez 35:11

Bondye ti dir li: Mwan menm Bondye Toupwisan. Ou pou ganny bokou zanfan; ou desandans pou ogmante. Ou pou vin papa en nasyon e en group nasyon. Pou osi annan lerwa parmi ou desandans.

Zenez 46:3

Bondye ti dir li, “Mwan menm Bondye, Bondye ou papa. Pa per pour desann Lezip, akoz mon pou fer ou vin en gran nasyon laba.

Zenez 47:27

Bann Izraelit ti reste dan pei Lezip, dan rezyon Gosenn. Zot ti aste propriyete e zot ti ganny bokou zanfan.

Zenez 48:16

Mon demande ki sa lanz ki'n delivre mwan dan tou mal, i beni sa de garson. Atraver zot, mon non pa pou ganny oubliye, ensi ki non mon zanset Abrahanm ek Izaak; zot ava vin en gran pep lo later.

Zenez 48:4

I ti dir mwan: Mon pou fer ou ganny zanfan e vin en gran pep e mon pou donn sa later ou bann desandans koman son posesyon pour touzour.”

Zenez 9:1

Bondye ti beni Noe ek son bann garson. I ti dir zot: Fer bokou zanfan, ogmant ou fanmir e ranpli later.

Nehemi 9:23

Ou ti ogmant zot desandan parey zetwal dan lesyel; ou ti anmenn zot dan sa pei ki ou ti dir zot bann zanset antre pour pran posesyon.

Psonm 105:24

SENYER ti miltipliy son pep e fer li vin pli for ki son bann lennmi.

Psonm 107:38

SENYER i beni zot e zot popilasyon i ogmante; i pa les zot troupo diminyen.

Egzod 1:12

Me pli zot ti ganny kraze, plis popilasyon Izraelit ti ogmante e fannen dan Lezip antye. Bann Ezipsyen ti per bann Izraelit.

Egzod 12:37

Bann Izraelit ti kit lavil Ranmses e zot ti al ver Soukot. Ti annan anviron 600,000 zonm apye, san kont bann zanfan.

Egzod 5:5

Faraon ti dir: “Aprezan ki sa pep in vin pli nonbre ki zabitan sa pei, ki zot oule anpes zot travay!”

Ezekyel 16:7

Mon ti fer ou pouse parey en plant dan laplenn. Ou ti pouse e devlope pour vin en bote parfe. Ou tete ti'n formen e ou pwal ti'n pouse, me ou ti napa lenz lo ou; ou ti touni.

Akt de Zapot 13:17

Bondye pep Izrael, ti swazir nou bann zanset. I ti fer sa pep vin en gran nasyon pandan letan ki zot ti pe viv Lezip. Par pwisans son lebra, i ti delivre zot dan pei Lezip.

Deterononm 10:22

Ti annan zis 70 parmi zot bann zanset ki ti desann Lezip. Me ozordi, SENYER, Bondye in fer zot vin osi nonbre ki bann zetwal dan lesyel.

Deterononm 26:5

La sa ki ou ava deklare devan SENYER, ou Bondye: Mon zanset ti en nomad Arameen. I ti desann Lezip kot i ti reste koman en etranze. Ti napa bokou zot. Me la, in vin en gran nasyon, pwisan e nonbre.