Efezyen 6:9 - Labib An Kreol Seselwa

⁹ Zot, bann met! Fer parey. Tret byen zot bann serviter e aret fer bann menas. Mazinen ki zot menm, ansanm avek zot bann serviter, zot annan en menm Met ki dan lesyel, ki pa fer okenn preferans.

Efezyen 6:9 ပူးပေါင်းရင်းမြစ်များ

Nehemi 5:5

Pourtan, nou tou nou imen e nou menm ras; nou zanfan i parey zot zanfan. Sepandan, nou pe fors nou bann garson ek nou bann fiy pour vin lesklav, e plizyer nou bann fiy i deza dan lesklavaz; nou napa okenn resours akoz nou bann plantasyon i dan lanmen lezot dimoun.

Liv Zob 34:19

Bondye pa fer lapreferans pour bann sef; i pa montre lapreferans ant ris ek pov parey, akoz zot tou le de, zot ti ganny kre par li.

Psonm 140:12

Mon konnen ki SENYER pa oubliy bann malere e ki i rann zizman an faver bann pov.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Ezai 47:6

Mon ti ankoler kont mon pep. Mon ti'n dezonor mon patrimwann; mon ti livre zot dan ou lanmen. Ou pa'n montre okenn konpasyon pour zot; ou'n plas en fardo byen lour lo ledo bann vyeyar.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 3:6

Sa enn ki pa prosternen pour ador sa stati, pou deswit ganny zete dan fourno laflanm dife.

Levitik 19:13

Ou pa pou eksplwat ou prosen; ou pa devre vol li. Pa gard ziska lannmen bomaten lapey en zournalye.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 22:10

Bann serviter ti al dan semen e envit tou dimoun ki zot ti war, sa ki move koman sa ki bon. Alor, lasal ti ranpli.

Matye 22:8

Apre, i ti apel son bann serviter. I ti dir zot: Mon festen maryaz in pare, me sa bann dimoun pa ti merit ganny envite.

Matye 24:48

Me si sa serviter i move, i pou dir dan li menm: Mon met i tarde pour retournen;

Matye 24:51

I pou pini sa serviter severman, e met li ansanm avek bann ipokrit, la kot zot pou plere e grens ledan.”

Matye 7:12

Tou sa ki ou oule ki lezot i fer pour ou, fer parey pour zot: Sanmenm sa ki Lalwa Moiz ek bann profet i ansennyen.

Levanzil dapre Lik 6:31

Fer pour lezot tou sa ki ou ti ava kontan lezot i fer pour ou.

Levanzil dapre Zan 13:13

Zot apel mwan Met e Senyer, e zot annan rezon, akoz sanmenm ki mon ete.

Akt de Zapot 10:34

Pyer ti pran laparol. I ti dir, “Aprezan, mon vreman konpran ki Bondye pa fer preferans pour personn,

Romen 2:11

akoz Bondye pa fer preferans pour personn.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.

1 Korentyen 7:22

Enn ki'n ganny apele pour Senyer koman en lesklav, i vin en zonm lib pour Senyer, e en zonm ki lib kan i ganny apele, i vin lesklav Kris.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Kolosyen 3:25

Sak dimoun ki mal fer, pou pey pour lemal ki i'n fer, akoz Bondye pa fer preferans pour personn.

Kolosyen 4:1

Bann met! Tret zot serviter dan en fason drwat e zis. Rapel zot ki zot osi, zot annan en Met dan lesyel.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Let Zak 2:8

Byen sir, zot fer byen si zot obei lalwa Rwayonm Bondye. Parey Lekritir i deklare: Ou devre kontan ou prosen parey ou prop lekor.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

1 Samyel 15:17

Samyel ti dir, “Pa ler dan ou prop lizye, ou ti santi ou pti, ki ou ti vin sef tou bann tribi Izrael, e ki SENYER ti donn ou lonksyon pour fer ou vin lerwa lo Izrael.