Efezyen 5:8 - Labib An Kreol Seselwa

⁸ Lontan zot ti viv dan fernwanr; me aprezan, zot in vin lalimyer ini avek Senyer. Alor, mars koman zanfan lalimyer,

Efezyen 5:8 ပူးပေါင်းရင်းမြစ်များ

Psonm 74:20

Mazin ou lalyans; vyolans pe kasyet dan bann landrwa fernwanr.

Ezai 2:5

Desandan Zakob! Vini! Annou mars dan lalimyer SENYER! Larogans pou ganny detri.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 49:9

pour ou dir avek bann prizonnyen: Sorti! Avek dimoun ki viv dan fernwanr: Montre zot! Zot pou kapab ganny nouri dan semen e lo bann montanny.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Ezai 9:2

Lepep ki ti pe marse dan fernwanr in war en gran lalimyer. Bann ki ti pe viv dan en pei fernwanr, en lalimyer ti briye lo zot.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Matye 3:8

Alor, prodwi bann bon fri ki montre ki zot in konverti.

Matye 4:16

Lepep ki ti pe asiz dan fernwanr, in war en gran lalimyer. Pour bann ki ti pe asiz dan pei, dan fernwanr lanmor, en lalimyer in leve parmi zot!

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

Levanzil dapre Lik 16:8

Bourzwa sa administrater malonnet ti felisit li pour fason malen ki i ti'n azir. Annefe, bann zanfan lemonn, zot pli malen dan zot zafer, ki bann zanfan lalimyer.”

Levanzil dapre Zan 1:9

Laparol ti sa vre lalimyer. I'n vin dan lemonn pour ekler tou dimoun.

Levanzil dapre Zan 12:35

Zezi ti reponn zot, “Lalimyer i avek zot, me pour ankor en pti pe letan. Pandan ki zot annan lalimyer, kontiny zot semen pour ki fernwanr pa sirprann zot. Sa enn ki mars dan fernwanr pa konnen kote i pe ale.

Levanzil dapre Zan 12:36

Alor, pandan ki zot annan lalimyer, krwar dan lalimyer, pour ki zot vin zanfan lalimyer.” Apre ki Zezi ti'n dir sa, i ti al kasyet lwen avek lafoul.

Levanzil dapre Zan 12:46

Mon'n vin dan lemonn koman lalimyer, pour ki tou sa ki krwar dan mwan, pa reste dan fernwanr.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Akt de Zapot 17:30

Bondye nepli tenir kont bann letan kan bann imen ti pe viv dan linyorans. Me aprezan i apel tou dimoun dan nenport ki landrwa pour sanz zot mannyer viv.

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

Romen 13:12

Lannwit in avanse, lizour pe aprose. Annou rezet bann aksyon ki ganny fer dan fernwanr e pran bann zarm ki permet konbat dan lalimyer.

Romen 2:19

Ou krwar ki ou en gid pour bann aveg e en lalimyer pour bann ki dan fernwanr,

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

2 Korentyen 6:14

Pa bezwen asosye zot avek bann non-krwayan; i pa normal. Annefe, ki i annan an komen ant lazistis ek mesanste? Ki relasyon i kapab annan ant lalimyer avek fernwanr?

Galat 5:25

Si nou viv par Lespri, annou les Lespri osi kontrol nou lavi.

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

Efezyen 4:18

Zot lespri i dan fernwanr. Zot napa okenn par dan sa nouvo lavi ki Bondye i donnen, akoz zot konpletman inyoran e zot refize ekoute.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Efezyen 6:12

Annefe, nou pa pe lit kont dimoun, me kont pouvwar bann move lespri dan lemonn, bann lotorite, ek pouvwar dan lemonn teneb dan sa letan ki nou pe viv ladan.

Kolosyen 1:12

Remersye Bondye nou Papa dan lazwa: I'n rann zot kapab ganny par dan leritaz pep Bondye dan son rwayonm lalimyer.

Kolosyen 1:13

Annefe, i'n fer nou sorti dan pwisans teneb e i'n transfer nou dan rwayonm son Garson byenneme.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.