Efezyen 5:3 - Labib An Kreol Seselwa

³ Zot fer parti pep Bondye. Par konsekan, veye ki tou form imoralite seksyel, lavi dezordonnen ek lanvi, pa menm ganny mansyonnen parmi zot.

Efezyen 5:3 ပူးပေါင်းရင်းမြစ်များ

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Psonm 119:36

Donn mwan sa dezir swiv ou bann lord e non pa rod mon prop lentere.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Egzod 23:13

Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.

Proverb 28:16

En sef san rezonnman i vin en gran diktater; sa enn ki deteste byen malaki ava viv lontan.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Ezekyel 33:31

Alor, mon pep pou rasanble e asiz devan ou. Zot pou ekout ou, me zot pa pou fer sa ki ou dir zot. Zot pou fer sa ki fer zot plezir e sa ki dan zot prop lentere.

Levitik 15:18

Kan en zonm i ganny en relasyon seksyel avek en fanm, tou le de, zot devre pran en ben; zot ava reste enpir ziska aswar.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Nonm 25:1

Pandan ki pep Izrael ti'n enstal zot Sitim, zot ti tonm dan prostitisyon avek bann fanm Moabit.

Matye 15:19

Annefe, dan leker i sorti tou bann move panse: Mert, adilter, lavi imoral, vole, fer kalonmni, ek medizans.

Levanzil dapre Lik 12:15

Alor i ti dir zot, “Fer atansyon lanmour pour larises, akoz lavi en zonm pa depann zis lo son larises.”

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Akt de Zapot 15:20

Me annou ekri zot e demande ki zot pa manz lavyann ki'n ganny ofer avek bann zidol, gard zot kont tou pratik imoral, pa manz zannimo ki'n toufe, ni disan.

Akt de Zapot 20:33

Mon pa'n zanmen anvi ni larzan, ni lor, ni lenz personn.

Romen 1:29

Zot ranpli avek toudsort mesanste, move dezir, vis, zalouzi, krim, dispit, riz, malis. Zot lans bann fo lakizasyon.

Romen 16:2

Akey li byen, koman fodre resevwar en krwayan. Ed li dan tou fason ki i bezwen zot led, akoz i'n ed bokou dimoun, enkli mwan menm.

Romen 6:13

Pa les pese servi bann diferan parti zot lekor koman bann lenstriman pour fer sa ki mal. O kontrer, met zot lekor dan servis Bondye, koman dimoun ki ti'n mor e ki'n resisite. Met zot lekor antye dan servis Bondye pour akonpli sa ki zis.

1 Korentyen 10:8

Pa tonm dan limoralite seksyel parey serten parmi zot ti fer, de sort ki 23,000 ti mor dan en sel zour.

1 Korentyen 5:1

Dimoun i dir ki i annan parmi zot limoralite seksyel, tel ki ou pa trouve menm parmi bann non-Zwif. I menm annan enn parmi zot ki pe viv avek fanm son papa.

1 Korentyen 6:13

Zot dir: Manze i pour vant e vant i pour manze. Dakor! Me Bondye pou detri tou le de. Nou lekor pa'n fer pour bann pratik imoral, me pour Senyer, e Senyer i pour lekor.

1 Korentyen 6:18

Elwanny zot avek bann pratik imoral. Tou lezot pese ki en dimoun i fer i an deor son lekor, me en dimoun ki livre li dan limoralite i fer pese kont son prop lekor.

2 Korentyen 12:21

Mon per ki kan mon ariv kot zot, mon Bondye ava imilye mwan devan zot. Mon ava bezwen plere lo bokou parmi zot ki'n kontinyen komet pese parey dan lepase; ki pa'n abandonn zot lavi dezord, limoralite ek vis ki zot ti pratike.

Efezyen 5:12

I vreman fer onte, menm pour koz lo sa bann keksoz, ki serten i fer an sekre.

Efezyen 5:5

Zot devre konnen ki napa personn ki pe anmenn en lavi imoral, sal, e avar (lavaris se idolatri) ki pou ganny en plas dan Rwayonm Kris ek Bondye.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

1 Tesalonisyen 4:3

Annefe, lavolonte Bondye, se ki zot vin sen; ki zot prezerv zot kont limoralite.

1 Tesalonisyen 4:7

Bondye pa'n apel nou pour viv dan limoralite, me dan lasentete.

1 Timote 2:10

O kontrer, ki zot ganny admire pour zot bann bon aksyon, ki apropriye delapar bann fanm ki annan respe pour Bondye.

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

2 Timote 3:2

Annefe, zonm pou vin egois, kontan larzan, vantar, arogan. Zot pou koz kont Bondye, dezobei zot paran, engra, san okenn respe pour sa ki sakre.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Let Pol pour bann Tit 1:7

Annefe, fodre ki en dirizan Legliz ki en serviter Bondye, i san repros. I pa devre ni arogan, ni malsoufran, ni soular, ni vyolan, ni rod fer profi malonnet.

Let Pol pour bann Tit 2:3

Dir osi bann fanm aze, ki zot devre konport zot koman dimoun ki pe viv en lavi sen. Zot pa devre kolport zaksyon ki fer ditor, ni vin lesklav lalkol. Zot devre sirtou donn bann bon konsey.

Ebre 12:16

Fer atansyon ki personn pa anmenn en lavi imoral. Pa mank respe pour sa ki sakre, parey Ezai ki, pour en sel repa, ti vann son drwa koman lene garson.

Zozye 7:21

Mon ti war parmi bann piyaz lager, en manto sorti Sinear, de kilo larzan ek en lengo lor ki ti pez en demi kilo, mon ti anvi; alor, mon'n pran. Mon'n anter dan mon latant; larzan i dan fon.”

1 Pyer 5:2

Pran byen swen troupo ki Bondye in konfye avek zot koman berze. Vey lo li, pa par obligasyon, me avek bonker, parey Bondye i oule. Pa fer li pour ganny larzan, me avek devouman.

2 Pyer 2:10

I pou pini sirtou bann ki swiv zot bann dezir enpir e mepriz lotorite Bondye. Sa bann fo ansennyan, zot annan lodas ek larogans, san okenn respe, pour ensilte bann kreatir glorye ki dan lesyel.

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

Revelasyon 2:14

Sepandan, mon annan detrwa repros pour fer ou: Ou annan kot ou serten dimoun ki atase avek lansennyman Balaanm. I ti montre Balak konman pour fer bann Izraelit tonm dan pese: I ti fer zot manz lavyann ki'n ganny ofer avek zidol e fer zot pratik limoralite seksyel.

Revelasyon 2:21

Mon'n donn li letan pour abandonn son pese, me i pa oule repanti.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

Revelasyon 9:21

Zot pa ti regret ni zot krim, ni zot pratik siperstisye, ni zot pratik imoral, ni zot bann vol.

1 Samyel 8:3

Bann garson Samyel pa ti swiv legzanp zot papa. Zot ti les zot ganny tante par larzan; zot ti aksepte gous, e pas fo zizman.