Efezyen 4:7 - Labib An Kreol Seselwa

⁷ Sepandan, sakenn parmi nou in resevwar en don spesyal dapre sa ki Kris in donnen.

Efezyen 4:7 ပူးပေါင်းရင်းမြစ်များ

Matye 25:15

I ti donn sakenn son serviter dapre son kapasite: Enn senk talan; en lot de, e en trwazyenm enn. Apre, i ti ale.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.

Romen 12:3

Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

Efezyen 3:2

Zot in sirman antann koz lo sa misyon ki Bondye dan son bonte, in sarz mwan pour fer dan zot faver.

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

1 Pyer 4:10

Sakenn zot, koman en bon administrater, itiliz sa bann don spesyal ki Bondye in donn zot, pour fer dibyen lezot.