Efezyen 4:2 - Labib An Kreol Seselwa

² Viv touzour dan limilite, ladouser ek pasyans. Siport kanmarad dan lanmour.

Efezyen 4:2 ပူးပေါင်းရင်းမြစ်များ

Psonm 138:6

Menm si SENYER i lao dan lesyel, i pran ka avek bann ki pli mizerab e i rekonnet bann arogan depi byen lwen.

Psonm 45:4

Dan ou mazeste, mont lo ou seval ver laviktwar pour defann laverite, labonte, lazistis. Montre ou pwisans par ou bann gran aksyon.

Proverb 16:19

Vomye viv trankilman parmi bann pov, ki ganny en par dan byen malaki avek bann orgeye.

Proverb 3:34

SENYER pa pran ka dimoun ensolan; me i bon anver dimoun senp.

Eklezyas 7:8

Plito lafen en keksoz ki son konmansman. Plito en lespri kalm ki en lespri lorgey.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Nonm 12:3

Moiz ti en zonm avek bokou limilite, plis ki nenport ki zonm lo later.

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

Mark 9:19

Zezi ti dir zot, “Zot en zenerasyon san lafwa. Ziska kan mon bezwen reste ankor avek zot? Ki kantite letan mon pou la, pour siport zot? Anmenn sa garson kot mwan.”

Akt de Zapot 20:19

Mon'n servi Senyer avek bokou limilite dan sagren ek lapenn, akoz konplo bann Zwif.

Romen 15:1

Nou ki for, nou devre siport febles bann ki feb, e non pa rod nou prop plezir.

1 Korentyen 13:7

Lanmour i pardonn tou, i krwar tou, i esper tou, i siport tou.

Galat 6:2

Anmenn fardo kanmarad e zot ava obei lalwa Kris.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

2 Timote 2:25

I devre ansenny son bann ladverser avek douser, dan lespwar ki Bondye ava donn zot lokazyon sanz zot fason viv e konn laverite.

Let Zak 1:21

Alor, rezet tou bann salte dan zot lavi ek tou bann move mannyer viv. Aksepte avek douser parol ki Bondye in plant dan ou leker, akoz sa parol i annan pouvwar pou sov ou.

1 Pyer 3:15

Me dan zot leker, rann glwar Kris koman zot Senyer. Zot devre touzour pare pour reponn bann ki demann zot leksplikasyon konsernan lesperans ki dan zot.

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.