Efezyen 3:8 - Labib An Kreol Seselwa

⁸ Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Efezyen 3:8 ပူးပေါင်းရင်းမြစ်များ

1 Kronik 17:16

Alor, lerwa David ti al prezant li devan SENYER. I ti dir: SENYER Bondye, mon pa konnen ki mwan ek mon fanmir nou merite, pour ki ou'n elev mwan ziska la.

Psonm 31:19

SENYER! Ou rezerv ou gran labonte pour sa enn ki montre respe anver ou. Ou protez bann dimoun ki met zot konfyans dan ou.

Levanzil dapre Lik 14:22

Son serviter ti dir li: Met! Mon'n fer sa ki ou'n ordonn mwan, me i annan ankor plas.

Levanzil dapre Zan 1:16

Annefe, dan son gran lanmour, nou tou nou'n resevwar lagras annabondans.

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

Romen 11:33

Larises Bondye i vreman gran! Son konnesans ek son lasazes i vreman profon! Lekel ki kapab eksplik son bann desizyon? Lekel ki kapab konpran son bann plan?

Romen 12:10

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

Romen 2:4

Oubyen, eski ou pa apresye gran labonte, pasyans ek zenerozite Bondye? Eski ou pa konnen ki labonte Bondye i devre anmenn sanzman dan ou lavi?

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

1 Korentyen 15:9

Annefe, mwan mon dernyen parmi tou bann zapot; mon pa menm merite ganny apele zapot, akoz mon'n persekit Legliz Bondye.

1 Korentyen 2:9

Me parey Lekritir i deklare: Sa ki lizye pa'n zanmen war, sa ki zorey pa'n zanmen tande, sa ki zonm pa'n zanmen mazinen, Bondye in prepare pour sa bann ki kontan li.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

Galat 2:8

Bondye ki'n fer Pyer vin zapot pour bann sirkonsi, i'n osi fer mwan vin zapot pour bann ki pa'n ganny sirkonsi.

Efezyen 2:7

I ti fer sa pour montre pour bann syek plitar, larises ekstraordiner son lagras par labonte ki i'n montre pour nou dan Zezi-Kri.

Efezyen 3:1

Pour sa rezon, mwan Pol, mon prizonnyen Zezi-Kri pour zot, bann non-Zwif.

Efezyen 3:16

Mon priy Bondye ki, dan larises son laglwar, i fortifye zot par pwisans son Lespri,

Efezyen 3:19

Mon demande ki zot kapab konn lanmour Kris pour nou, menm si i depas tou konnesans imen. Konmsa, zot ava ranpli avek tou larises Bondye.

Efezyen 3:2

Zot in sirman antann koz lo sa misyon ki Bondye dan son bonte, in sarz mwan pour fer dan zot faver.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

Filipyen 4:19

Dan son larises, mon Bondye ava donn zot tou sa ki zot bezwen, par Zezi-Kri.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

1 Timote 1:13

menm si dan letan pase mon ti blasfenm li, persekit li e ensilte li. Me li, i'n tret mwan avek konpasyon, akoz mon ti fer tousala dan linyorans, san lafwa.

1 Timote 1:15

Sa parol i vre. I merit ganny aksepte plennman par tou dimoun: Zezi-Kri in vin dan lemonn pour sov bann peser; mwan an premye.

1 Timote 2:7

Pour sa rezon, ki mon'n ganny anvoye koman en zapot e ansennyan kot bann non-Zwif, pour anons mesaz lafwa ek laverite. Mon pa pe koz manti, mon pe dir laverite.

2 Timote 1:11

Bondye in swazir mwan koman en zapot e en ansennyan pour anons Bonn Nouvel.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.