Efezyen 3:4 - Labib An Kreol Seselwa

⁴ Kan zot ava lir li, zot ava realize zot menm konnesans ki mon'n gannyen lo sa plan sekre konsernan Kris.

Efezyen 3:4 ပူးပေါင်းရင်းမြစ်များ

Matye 13:11

Zezi ti reponn, “Avek zot, sekre Rwayonm Bondye in ganny revele. Me sa sekre pa ankor ganny revele avek sa bann.

Levanzil dapre Lik 8:10

Zezi ti dir zot, “Pour zot, sekre Rwayonm Bondye in ganny revele. Me pour lezot, i ganny dir an parabol, pour ki menm si zot gete, zot pa war, e menm si zot ekoute, zot pa konpran.”

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 16:25

Aprezan, annou rann glwar sa enn ki annan pouvwar pour rann zot for dapre Bonn Nouvel e dapre Zezi-Kri ki mon pe anonse, dapre revelasyon mister Bondye ki'n reste sekre pandan lontan.

1 Korentyen 13:2

Mon kapab annan don profesi, lasyans tou bann mister ek tou konnesans; lafwa pour fer bann montanny deplase: Si mon napa lanmour, mon en nanryen ditou.

1 Korentyen 4:1

Zot devre konsider nou koman bann serviter Kris, bann administrater plan sekre Bondye.

2 Korentyen 11:6

I posib ki mon pa tro bon dan koze, me pa dan konnesans: Nou'n montre zot sa klerman dan plizyer lokazyon e lo diferan size.

Efezyen 1:9

I'n fer nou konn son plan sekre dapre ki dan son bonte, i ti'n deside pour akonpli davans, par Kris.

Efezyen 3:3

Dan en revelasyon, Bondye in fer mwan konn son plan sekre. Mon'n deza ekri detrwa mo lo sa size.

Efezyen 3:9

Mon bezwen osi fer kler pour tou dimoun, ki mannyer Bondye pou realiz son plan mister. Bondye ki Kreater lemonn, in touzour gard sa mister.

Efezyen 5:32

I annan en gran laverite ki'n kasyet dan sa pasaz Lekritir. Mon dir ki i aplik avek Kris ek Legliz.

Efezyen 6:19

Priy osi pour mwan, pour ki, kan mon ouver labous, mon ava ganny parol pour anons avek lasirans, sekre Bonn Nouvel.

Kolosyen 1:26

Sa i mister ki'n reste kasyet depi touzour avek limanite, me ki aprezan i'n ganny revele avek bann ki'n aksepte vin pour li.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

Kolosyen 4:3

Anmenmtan, priy osi pour nou, pour ki Bondye i ouver en laport favorab pour nou proklanm son mesaz e anons sekre Kris. Annefe, pour sa rezon ki mon dan prizon ozordi.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Timote 3:9

Avek en konsyans kler, zot devre reste dan laverite lafwa ki'n ganny revele.