Efezyen 3:2 - Labib An Kreol Seselwa

² Zot in sirman antann koz lo sa misyon ki Bondye dan son bonte, in sarz mwan pour fer dan zot faver.

Efezyen 3:2 ပူးပေါင်းရင်းမြစ်များ

Akt de Zapot 13:2

En zour, pandan ki zot ti pe ador Senyer e fer zenn, Lespri Sen ti dir zot, “Met Barnabas ek Sol apar. Mon'n swazir zot pour akonpli en misyon.”

Akt de Zapot 13:46

Alor, Pol ek Barnabas ti dir avek konviksyon, “I ti neseser ki Parol Bondye i ganny anonse avek zot an premye. Me akoz zot rezet li e ki zot pa konsider zot diny pour lavi eternel, alor, aprezan nou tourn nou ver bann non-Zwif.

Akt de Zapot 22:21

Me Senyer ti dir mwan, “Ale! Mon pou anvoy ou lwen, ver bann non-Zwif.”

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Romen 11:13

Aprezan, mon koz avek zot, bann non-Zwif: Koman zapot pour bann non-Zwif, mon kontan sa minister.

Romen 12:3

Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

1 Korentyen 4:1

Zot devre konsider nou koman bann serviter Kris, bann administrater plan sekre Bondye.

Galat 1:13

Zot in sirman antann koz lo mwan, lo sa ki mon ti fer kan mon ti pratik larelizyon Zwif: Mon ti persekit avek vyolans Legliz Bondye e mon ti esey detri li.

Efezyen 1:10

Sa plan ki pou ganny egzekite dan letan lafen, pour reini tou keksoz ki dan lesyel e lo later, anba en sel sef: Kris.

Efezyen 3:7

Mon'n vin serviter Bonn Nouvel par en don spesyal ki Bondye, dan son labonte, par laksyon son pouvwar, in donn mwan.

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Efezyen 3:9

Mon bezwen osi fer kler pour tou dimoun, ki mannyer Bondye pou realiz son plan mister. Bondye ki Kreater lemonn, in touzour gard sa mister.

Efezyen 4:21

Annefe, zot in antann koz lo li, e zot in ganny ansennyen, anliny avek laverite ki dan Zezi.

Efezyen 4:7

Sepandan, sakenn parmi nou in resevwar en don spesyal dapre sa ki Kris in donnen.

Kolosyen 1:4

Annefe, nou'n antann koz lo zot lafwa dan Zezi-Kri ek zot lanmour pour tou bann krwayan.

Kolosyen 1:6

Mesaz Bonn Nouvel i kontinyen repann e raport fri dan lemonn antye, parey in fer parmi zot, depi sa zour ki pour premye fwa, zot ti antann koz lo lagras Bondye e konnen ki i ete vreman.

1 Timote 1:11

Sa lansennyman i dapre Bonn Nouvel laglwar ki Bondye ki sours nou boner, in konfye mwan.

1 Timote 1:4

Dir zot aret krwar dan sa bann fab ek sa bann long lalis zanset. Tousala i plito anmenn diskisyon, e i pa ede realiz plan Bondye par lafwa.

1 Timote 2:7

Pour sa rezon, ki mon'n ganny anvoye koman en zapot e ansennyan kot bann non-Zwif, pour anons mesaz lafwa ek laverite. Mon pa pe koz manti, mon pe dir laverite.

2 Timote 1:11

Bondye in swazir mwan koman en zapot e en ansennyan pour anons Bonn Nouvel.