Efezyen 2:6 - Labib An Kreol Seselwa

⁶ I'n resisit nou avek li, pour fer nou renny ansanm avek li dan lesyel, avek Zezi-Kri.

Efezyen 2:6 ပူးပေါင်းရင်းမြစ်များ

Matye 26:29

Mon dir zot, sa i laverite: Mon pa pou bwar ankor sa prodwi rezen, ziska zour ki mon bwar en diven nouvo avek zot, dan Rwayonm mon Papa.”

Levanzil dapre Lik 12:37

Ere sa bann serviter ki zot met i war pe veye kan i arive! Mon dir zot, sa i laverite: I pou met son tabliye, fer zot osi asiz atab, e servi zot.

Levanzil dapre Zan 12:26

Sa enn ki oule servi mwan, fodre ki i swiv mwan; e la kot mon ete, mon serviter ava la avek mwan. Sa enn ki oule servi mwan, mon Papa pou rekonpans li.”

Levanzil dapre Zan 14:3

Apre ki mon'n al prepar en plas pour zot, mon pou retournen e pran zot avek mwan, pour ki zot osi, zot ava la kot mwan, mon ete.

Efezyen 1:1

Sa let i sorti kot Pol, en zapot Zezi-Kri, par lavolonte Bondye. Pour bann kretyen ki dan Efez e ki fidel dan Zezi-Kri:

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Efezyen 2:13

Me aprezan, ini avek Kris, zot ki ti lwen avek li, zot in ganny raprose avek li, par son lanmor.

Kolosyen 1:18

I latet sa lekor, ki son Legliz; li menm konmansman, lene parmi bann ki'n resisite, pour li vin premye dan tou keksoz.