Efezyen 2:5 - Labib An Kreol Seselwa

⁵ alor ki nou ti'n mor spirityelman akoz nou fot, Bondye ti fer nou reviv avek Kris. Par son lagras ki zot in ganny sove.

Efezyen 2:5 ပူးပေါင်းရင်းမြစ်များ

Levanzil dapre Lik 15:24

Mon garson ki ti'n mor, i vivan; i ti'n perdi, mon'n retrouv li. E lafet ti konmanse.

Levanzil dapre Zan 5:21

Annefe, parey mon Papa i resisit bann ki'n mor e redonn zot lavi, son Garson osi i donn lavi avek sa enn ki i oule.

Levanzil dapre Zan 6:63

Se Lespri Bondye ki donn lavi; pouvwar zonm napa valer. Bann parol ki mon'n dir zot i Lespri e i lavi.

Akt de Zapot 15:11

Nou krwar, o kontrer, ki par lagras nou Senyer Zezi, nou pou ganny sove, parey zot.”

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Romen 3:24

Me dan son bonte, Bondye in rann zot zis gratwitman par Zezi-Kri ki'n delivre zot dan pese.

Romen 4:16

Pour sa rezon, sa promes i depann lo lafwa, pour ki i vin en don gratwi ki Bondye i fer, e pour ki i valab pour tou bann desandan Abrahanm. Non pa zis pour bann ki obei Lalwa, me pour tou dimoun ki krwar, parey Abrahanm ti krwar. Annefe, Abrahanm i papa nou tou.

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Romen 5:6

Annefe, kan nou ti ankor san okenn lafors, Kris dan letan fikse, ti mor pour bann peser.

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Romen 8:2

Annefe, Lalwa Lespri ki donn lavi par Zezi-Kri, in rann mwan lib anver lalwa pese ek lanmor.

Efezyen 2:1

Otrefwa, zot ti'n spirityelman mor akoz zot bann fot, e akoz zot bann pese.

Efezyen 2:8

Annefe, par lagras ki zot in ganny sove, e akoz zot annan lafwa. Sa, pa rezilta zot prop zefor, me i en don Bondye.

Efezyen 5:14

Annefe, tou sa ki'n ganny klerman revele i vin lalimyer. Pour sa rezon nou dir: Ou ki pe dormi! Reveye! Leve parmi bann mor! Kris ava ekler ou.

Kolosyen 2:13

Otrefwa, zot ti spirityelman mor akoz zot pese, e par zot ensirkonsizyon. Me aprezan, Bondye in redonn nou lavi avek Kris. I'n pardonn nou tou nou pese.

Let Pol pour bann Tit 2:11

Annefe, Bondye in revel son lagras pour sov tou dimoun.

Let Pol pour bann Tit 3:5

I'n sov nou, pa akoz nou bon e zis, me akoz in annan konpasyon pour nou. I'n lav nou par Lespri Sen ki'n donn nou en nouvo nesans ek en nouvo lavi.

Revelasyon 22:21

Lagras Senyer Zezi ava avek zot tou! Amenn.