Efezyen 1:4 - Labib An Kreol Seselwa

⁴ Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Efezyen 1:4 ပူးပေါင်းရင်းမြစ်များ

2 Samyel 22:24

Mon san repros devan li. Mon'n evit fer okenn pese.

Psonm 135:4

Annefe, SENYER in swazir Zakob zis pour li, Izrael koman son byen personnel.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Levitik 19:2

Koz avek pep Izrael: Zot ava sen, akoz mwan SENYER zot Bondye, mon sen.

Levitik 20:7

Alor, konport zot koman bann sen, akoz mwan menm SENYER zot Bondye.

Matye 24:22

Me si Bondye pa ti'n rakoursi sa bann zour, personn pa ti pou ganny sove. Me Bondye in rakoursi sa bann zour, akoz son pep ki i'n swazir.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Levanzil dapre Zan 10:16

Mon annan ankor mouton ki pa dan sa berkay. Mon bezwen anmenn zot osi. Zot ava antann mon lavwa. Alor, i ava annan en sel troupo avek en sel berze.

Levanzil dapre Zan 15:16

Pa zot ki'n swazir mwan, me mwan ki'n swazir zot e etabli zot pour ale e raport bokou fri, bann fri ki pou dire. Mon Papa i ava donn zot nenport kwa ki zot demande an mon non.

Levanzil dapre Zan 17:24

Papa! Ou'n donn mwan zot. Mon oule ki zot osi, zot ava avek mwan kot mon ete, pour ki zot war mon mazeste ki ou'n donn mwan, akoz ou'n kontan mwan avan ki lemonn ti ganny kree.

Akt de Zapot 13:48

Kan bann non-Zwif ti antann sa parol, zot ti dan lazwa e zot ti loue Parol Senyer. Tou bann dimoun ki Bondye ti'n swazir pou ganny lavi eternel ti vin krwayan.

Akt de Zapot 15:18

li menm ki'n fer konn son bann plan depi byen lontan.

Akt de Zapot 18:10

akoz mon avek ou, e personn pa pou kapab fer ou dimal. Mon annan en gran pep dan sa lavil.”

Romen 8:33

Lekel ki pou akiz sa bann ki Bondye in swazir? Personn, akoz Bondye ki deklar zot non koupab.

1 Korentyen 1:8

Li menm ki pou gard zot for e san repros, ziska lafen, pour sa zour nou Senyer Zezi-Kri.

Galat 5:13

Mon bann frer ek ser! Zot in ganny apele pour viv lib. Me selman, pa fer sa liberte en preteks pour viv dapre dezir zot natir. O kontrer, les zot ganny gide par lanmour pour servi kanmarad.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Efezyen 3:17

e ki Kris ava reste dan zot leker par lafwa. Mon priye ki zot ava ganny anrasinen e byen etabli dan lanmour,

Efezyen 4:2

Viv touzour dan limilite, ladouser ek pasyans. Siport kanmarad dan lanmour.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Efezyen 5:27

I'n oule prezant Legliz devan li sen, san defo, san okenn tas, ni rid, dan laperfeksyon total.

Filipyen 2:15

Konmsa, zot ava inosan, san repros, bann zanfan Bondye san defo parmi dimoun malonnet e move ki dan sa monn. Zot devre briye parmi sa bann dimoun, parey bann zetwal dan lesyel,

Kolosyen 1:22

Me aprezan, par lanmor ki son Garson in sibir dan son lekor, Bondye in rekonsilye zot avek li, e fer zot vin sen, pir e san defo devan li.

Kolosyen 2:2

Mon swete ki zot leker ava ranpli avek kouraz; ki zot reste ini dan lanmour, e posed tou bann larises konplet ki rezilta vre disernman. Konmsa, zot ava kapab konn sekre Bondye, setadir Kris li menm.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

1 Tesalonisyen 3:12

Mon demann Senyer ogmant lanmour ki zot annan pour kanmarad e pour tou dimoun, parey lanmour ki nou annan pour zot.

1 Tesalonisyen 4:7

Bondye pa'n apel nou pour viv dan limoralite, me dan lasentete.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

1 Pyer 1:20

I ti'n ganny swazir davans, avan kreasyon lemonn, me i'n ganny prezante pour zot dan sa dernyen letan.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

2 Pyer 3:14

Alor, mon bann zanmi! An atandan sa zour, fer tou zefor posib, pour ki Bondye i trouv zot pir, san defo e dan lape avek li.

1 Zan 4:16

Nou, nou konn sa lanmour ki Bondye i annan pour nou, e nou krwar dan sa lanmour. Bondye i lanmour. Sa enn ki reste dan lanmour i reste dan Bondye e Bondye i reste dan li.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Revelasyon 17:8

Sa bebet ki ou'n war, ti deza vivan, me i nepli. I pou monte e sorti dan labim, me i pou al ganny detri. Bann zabitan later ki zot non pa ankor ganny ekri dan liv lavi depi avan kreasyon lemonn, pou etonnen war sa bebet, akoz i ti deza vivan e aprezan i nepli. Me i pou aparet ankor.