Ebre 9:11 - Labib An Kreol Seselwa

¹¹ Me Kris in vini koman Gran-Pret bann bon keksoz ki'n arive. I'n penetre dan en latant ki meyer e pli parfe, ki pa'n fer par zonm e ki pa form parti sa kreasyon.

Ebre 9:11 ပူးပေါင်းရင်းမြစ်များ

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Psonm 40:7

Alor, mon ti dir: Mon vin ver ou. Sa liv in ekri lo mon size.

Ezai 59:20

SENYER i deklare: I pou antre dan Siyon koman Sover pour bann ki sorti kot Zakob ki'n aret revolte.

Zeremi 33:8

Mon pou pirifye zot kont tou zot fot ki zot in komet kont mwan. Mon pou pardonn zot, zot bann fot ek rebelyon kont mwan.

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Matye 11:3

“Ou menm sa enn ki devre vini, oubyen fodre ki nou esper en lot?”

Matye 2:6

Ou Betlehenm, dan later Zida! Ou sertennman pa mwen enportan parmi bann lavil dan Zida. Annefe, kot ou, pou sorti en sef ki pou vin berze Izrael, mon pep.”

Mark 14:58

“Nou ti antann li dir: Mon pou detri sa Tanp ki'n konstri par zonm e dan trwa zour mon pou rekonstri en lot, ki pa'n konstri par zonm.”

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Levanzil dapre Zan 4:25

Sa fanm ti dir li, “Mon konnen ki Mesi, sa enn ki apel Kris, pou vini. Kan i pou arive, i pou ansenny nou tou keksoz.”

Akt de Zapot 7:48

Me parey profet i deklare, Bondye ki dan lesyel, pa reste dan lakaz konstri par zonm:

2 Korentyen 4:18

Annefe, nou pa pe pran ka avek keksoz ki nou war, me plito avek sa ki nou pa war. Wi! Sa ki nou war i zis pour en pe letan. Me sa ki nou pa war i eternel.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Kolosyen 2:11

Dan Kris zot in ganny sirkonsi, pa par en sirkonsizyon fer par lanmen zonm, me en sirkonsizyon ki sorti kot Kris e ki delivre nou kont pouvwar nou lekor peser.

Ebre 10:1

Annefe, Lalwa Moiz pa reprezant egzakteman bann realite. I zis en reprezantasyon bann realite ki pou ganny manifeste plitar. I pa pou zanmen kapab, par sa bann sakrifis ki reste parey toulezan, rann parfe bann dimoun ki apros devan Bondye.

Ebre 12:27

Sa parol: Ankor en fwa, i montre klerman ki bann keksoz ki'n ganny kree, pou ganny sekwe e disparet pour ki zis sa ki solid ki reste.

Ebre 13:14

Annefe, nou demer lo sa later pa pou dire pour touzour; nou pe rod sa lavil ki dan lavenir.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.

Ebre 7:1

Sa Melkisedek, ti lerwa Salenm, pret Bondye Treo. I ti al zwenn Abrahanm ki ti sorti lager kont bann lerwa lo ki i ti'n ganny laviktwar e i ti beni li.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.