Ebre 9:10 - Labib An Kreol Seselwa

¹⁰ Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.

Ebre 9:10 ပူးပေါင်းရင်းမြစ်များ

Egzod 29:4

Ou ava anmenn Aaron ek son bann garson kot laport Latant Rankont e ou ava lav zot dan delo.

Egzod 40:12

Ou ava prezant Aaron avek son bann garson devan lantre Latant Rankont e ou ava lav zot dan delo.

Ezekyel 4:14

Alor, mon ti reponn, “Senyer BONDYE! Depi mon lazenes ziska ozordi, mon pa'n zanmen manz lavyann zannimo mor natirelman, oubyen desire par zannimo sovaz. Okenn lavyann enpir pa'n zanmen antre dan mon labous.”

Levitik 13:58

En lenz, latwal ouswa triko, ouswa nenport lobze an lapo ki, ler in ganny lave, sa tas mwazi in disparet, ou ava lav li en dezyenm fwa e i ava pir.

Levitik 16:24

I ava benny dan en landrwa sen e remet son lenz lo li. I ava sorti e ofer sakrifis konplet pour li e pour lepep, e fer rityel pardon pese pour li e pour lepep.

Levitik 16:4

I devre met lo li son lenz sakre an linenn, son kannset linenn, en sentir linenn otour son leren, e kouver son latet avek en tirban linenn. Tousala i fer parti son labiyman sakre. I ava met sa labiyman apre ki i'n pran en ben.

Levitik 22:6

En pret ki'n ganny bann kontak parey, ava enpir ziska aswar. I pa pou kapab manz bann lofrann sakre, avan ki i'n lav son lekor dan delo.

Nonm 6:3

sa dimoun pa devre bwar ni diven ni okenn labwason for. I pa devre bwar vineg fer avek diven ni vineg fer avek lalkol. I pa devre bwar okenn zi rezen, ni manz rezen fre ni rezen sek.

Mark 7:4

Kan zot ti sorti bazar, zot pa ti manze avan pirifye zot lekor. I annan ankor en kantite tradisyon ki zot obzerve tel ki: Lav bann lakoup, marmit ek bann pla.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Efezyen 1:10

Sa plan ki pou ganny egzekite dan letan lafen, pour reini tou keksoz ki dan lesyel e lo later, anba en sel sef: Kris.

Efezyen 2:15

I'n anil lalwa Zwif avek son bann komannman ek regleman, pour ki sa de ras i form en sel pep, ini avek li. Konmsa, i'n etabli lape.

Deterononm 21:6

Tou bann ansyen sorti dan sa lavil ki pli pros avek sa kadav, ava lav zot lanmen lo sa zenn bef ki likou in ganny kase dan larivyer.

Deterononm 23:11

Ver lafen lazournen, i ava lav li avek delo. I ava kapab retourn dan kan apre soley kouse.

Kolosyen 2:16

Pa les personn pas zizman lo zot konsernan sa ki zot manze oubyen bwar, konsernan bann zour lafet, nouvellin oubyen bann saba.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

Ebre 2:5

Annefe, pa anba kontrol bann lanz, ki Bondye in plas lemonn ki pe vini, e ki nou pe koz lo la.

Ebre 6:2

ensi ki lansennyman lo bann batenm, seremoni lenpozisyon lanmen, rezireksyon bann mor ek zizman definitif.

Ebre 6:5

Zot in dekouver ki mannyer Parol Bondye i bon e zot in fer leksperyans bann pwisans lemonn fitir.

Ebre 7:12

Me si i annan en sanzman dan saserdos, i osi neseser ki i annan en sanzman dan lalwa saserdos.

Ebre 7:16

En pret, ki pa'n ganny etabli dapre bann relasyon avek desandans imen. In vin pret par pwisans en lavi ki eternel.

Ebre 9:1

Sa premye lalyans ti annan son bann regleman konsernan ladorasyon ek en sanktyer ki lo later.