Ebre 8:8 - Labib An Kreol Seselwa

⁸ Me Bondye ti trouv defo avek son pep kan i ti deklare: Sa bann zour pe vini, Senyer i deklare, kan mon pou etabli en nouvo lalyans avek pep Izrael e avek pep Zida.

Ebre 8:8 ပူးပေါင်းရင်းမြစ်များ

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Zeremi 23:7

Wi, sirman sa zour pe vini, SENYER i deklare, kan dimoun pou nepli dir: Mon fer serman par SENYER ki vivan ki'n fer nou, bann Izraelit, sorti Lezip,

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 31:27

Letan pe vini, SENYER i deklare, kan mon pou ranpli Izrael ek Zida avek zabitan ek zannimo, parey ler ou senm lagrenn dan en plantasyon.

Zeremi 31:38

Sa zour pe vini, SENYER i deklare, kan lavil Zerizalenm pou ganny rekonstri zis pour mwan, depi latour Hananeel, ziska laport Dan Kwen.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Ezekyel 37:26

Mon pou fer en lalyans lape avek zot. Sa i en lalyans ki pou reste pour touzour. Mon pou beni zot la e fer zot vin nonbre. Mon pou etabli mon sanktyer parmi zot pour touzour.

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Mark 14:24

I ti dir zot, “Sa i mon disan, disan lalyans ki'n ganny verse pour bokou.

Levanzil dapre Lik 17:22

Zezi ti dir ankor avek son bann disip, “Ler pou arive kan zot pou anvi war Fis-de-Lonm zis en zour parmi zot; me zot pa pou war li.

Levanzil dapre Lik 22:20

Demenm, apre repa, i ti osi pran lakoup. I ti dir, “Sa lakoup i nouvo lalyans dan mon disan ki'n ganny verse pour zot.”

Levanzil dapre Lik 5:38

Me, fodre met diven nef dan bann sak diven nef.

1 Korentyen 11:25

Demenm, apre repa, i ti pran lakoup. I ti dir, “Sa lakoup i nouvo lalyans par mon disan. Fer sa pour zot rapel mon prezans, sak fwa ki zot bwar li.”

2 Korentyen 3:6

Li menm ki'n fer nou vin bann serviter en nouvo lalyans ki pa depann lo en lalwa ekri, me lo Lespri Sen. Lalwa ekri i donn lanmor, me Lespri Sen li, i donn lavi.

Deterononm 29:14

Mon pe fer sa lalyans par en serman, pa zis avek zot ki ozordi pe debout devan nou e devan SENYER, nou Bondye,

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 7:22

Donk, par sa parol, Zezi i garanti nou en meyer lalyans.

Ebre 8:13

Kan Bondye ti koz lo en nouvo lalyans, i ti fer sa enn premye vin ansyen. Alor, sa enn ki ansyen e ki'n vyeyi, i pre pou disparet.

Ebre 8:6

An realite, Kris in ganny etabli dan en servis bokou pli siperyer ki pour lezot pret. Annefe, i lentermedyer dan en meyer lalyans, akoz i'n ganny fonde lo bann pli gran promes.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.