Ebre 8:10 - Labib An Kreol Seselwa

¹⁰ Aprezan, la lalyans ki mon pou fer avek pep Izrael: Apre sa bann zour, Senyer ti deklare, Mon pou met mon bann lalwa dan zot lespri. Mon pou ekri li dan zot leker, mon pou vin zot Bondye, e zot ava vin mon pep.

Ebre 8:10 ပူးပေါင်းရင်းမြစ်များ

Egzod 24:4

Moiz ti ekri tou bann parol SENYER. I ti leve granmaten, mont en lotel devan montanny avek 12 ros pilye, enn pour sak tribi Izrael.

Egzod 24:7

Apre, i ti pran liv Lalyans e lir devan lepep. Zot ti dir: Nou pou fer tou sa ki SENYER in dir e nou pou obei li.

Egzod 34:1

SENYER ti ordonn Moiz: Koup de plak ros parey sa de avan. Mon pou ekri lo zot, menm parol ki ti lo bann premye plak ki ou ti kase.

Egzod 34:27

SENYER ti dir Moiz, “Ekri sa bann parol, akoz zot form labaz sa lalyans ki mon pou fer avek ou e avek Izrael.”

Kantik Salomon 2:16

Mon byenneme i pour mwan e mon pour li. I fer son troupo manz parmi bann lis ki'n fleri.

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Zeremi 31:1

La sa ki SENYER i deklare: Sa zour pe vini, kan mon pou Bondye tou bann tribi Izrael, e zot ava vin mon pep.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 32:38

Alor, zot pou vin mon pep, e mon pou vin zot Bondye.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Ezekyel 37:27

Mon pou reste parmi zot; mon pou vin zot Bondye e zot ava vin mon pep.

Ezekyel 39:22

Alor, apartir sa zour, pep Izrael pou konnen ki mwan menm SENYER, zot Bondye.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Oze 2:23

Mon pou senmen dan sa pei; mon pou kontan Lo-Rouama setadir, Sa enn ki mon pa kontan. Mon pou apel Lo-Ami: Mon pep e i pou reponn: Mon Bondye.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Zakari 8:8

Mon pou fer zot retourn dan Zerizalenm. Zot pou vin mon pep e mon pou zot Bondye ki fidel e zis.

Matye 22:32

Mwan menm Bondye Abrahanm, Bondye Izaak e Bondye Zakob. Bondye pa Bondye bann mor, me Bondye bann vivan.”

Romen 11:27

Sanmenm lalyans ki mon pou fer avek zot, kan mon pou fer disparet zot bann pese.

1 Korentyen 6:16

Eski zot pa konnen ki sa enn ki al avek en prostitye i vin en sel lekor avek li? Annefe, i'n ganny ekri: Tou le de pou vin en sel laser.

2 Korentyen 3:3

An realite, zot en let ki'n ganny ekri par Zezi-Kri e ki'n ganny transmet par nou. I pa'n ganny ekri avek lank, me avek Lespri Bondye ki vivan. Sa let pa'n ganny grave lo bann tablet an pyer, me dan leker imen.

Deterononm 30:6

SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Let Zak 1:21

Alor, rezet tou bann salte dan zot lavi ek tou bann move mannyer viv. Aksepte avek douser parol ki Bondye in plant dan ou leker, akoz sa parol i annan pouvwar pou sov ou.

1 Pyer 1:23

Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.