Ebre 7:28 - Labib An Kreol Seselwa

²⁸ Annefe, Lalwa Moiz ti etabli koman Gran-Pret, bann zonm ki pa ti parfe. Me parol serman ki'n vin apre lalwa, i etabli en Garson ki'n vin parfe pour leternite.

Ebre 7:28 ပူးပေါင်းရင်းမြစ်များ

Psonm 110:4

SENYER in fer sa serman e i pa pou sanze: Ou pret pour touzour, dapre lord Melkisedek.

Levitik 4:3

si en pret konsakre ki'n fer sa pese, e par la i'n rann koupab lepep antye, i ava ofer SENYER koman sakrifis pardon pour son pese, en zenn toro san okenn defo.

Levanzil dapre Lik 13:32

Zezi ti reponn zot, “Al dir sa renar: Ozordi ek demen, mon pe sas bann move lespri e geri bann malad. Me trwazyenm zour mon pou fini mon travay.

Levanzil dapre Zan 19:30

Kan Zezi ti'n gout sa vineg, i ti dir, “Tou in akonpli!” Apre, i ti bes son latet e i ti rann son souf.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

Ebre 2:10

Annefe, Bondye, pour ki e par ki tou keksoz i egziste, in rann Zezi parfe atraver son soufrans. Par son soufrans, Zezi in fer bokou son bann zanfan partisip dan son laglwar. Li menm ki'n sov zot.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Ebre 4:14

Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

Ebre 5:5

Demenm, pa Kris ki ti deside par li menm pour pran sa loner pour vin Gran-Pret. Me i ti ganny apwente par Bondye ki ti deklare avek li: Ou mon Garson, Ozordi mon'n vin ou Papa.

Ebre 7:21

Me Zezi ti ganny etabli pret par serman kan Bondye ti deklare: Senyer in fer sa serman, e i pa pou zanmen sanz son lide: Ou pret pour touzour.

Ebre 7:24

Me akoz Zezi i vivan pour leternite, son saserdos osi i pour touzour.

Ebre 7:3

Personn pa konn ni son papa, ni son manman, ni son zanset; e son lavi napa ni konmansman, ni lafen. Parey Garson Bondye, i reste pret pour touzour.