Ebre 7:27 - Labib An Kreol Seselwa

²⁷ I pa bezwen ofer sakrifis tou le zour, parey lezot Gran-Pret, dabor pour son prop pese, answit pour pese lepep. I'n ofer son lekor an sakrifis en sel fwa pour tou.

Ebre 7:27 ပူးပေါင်းရင်းမြစ်များ

Ezekyel 43:19

ou ava remet en toro pour sakrifis pardon pese avek bann pret levit ki sorti dan fanmir Sadok. Zis zot ki annan drwa prezant devan mwan, Senyer BONDYE i deklare.

Levitik 16:11

Aaron ava prezant sa toro pour sakrifis pardon pour son prop pese e i ava fer rityel pardon pese pour li menm e pour son fanmir. I ava egorz sa toro koman sakrifis pour pardon son prop pese.

Levitik 16:15

Apre, i ava egorz sa bouk pour sakrifis pardon pese lepep. I ava anmenn son disan lo lot kote rido, fer laspersyon lo kouvertir sakre e devan Kof Lalyans, parey i ti fer avek disan toro.

Levitik 16:6

Aaron ava ofer sa toro pour sakrifis pardon son prop pese, e i ava fer rityel pardon pese pour li menm e pour son fanmir.

Romen 6:10

Kris in mor. Son lanmor in separ li totalman avek pese enn fwa pour tou. Me aprezan ki i vivan, i viv pour Bondye.

Efezyen 2:22

Ini avek li, zot osi, zot form parti sa konstriksyon pour ki ansanm avek tou lezot, zot vin en lakaz kot Bondye i kapab reste par son Lespri.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 5:1

Tou Gran-Pret i ganny swazir parmi bann zonm. I ganny etabli pour li servi Bondye dan zot faver. I prezant lofrann ek sakrifis pour bann pese.

Ebre 5:3

Akoz li menm i feb, i bezwen ofer bann sakrifis, pa zis pour pese lepep, me osi pour son prop pese.

Ebre 8:4

Si i ti lo later, i pa ti pou menm en pret, akoz lo later, i annan lezot pret ki prezant bann lofrann dapre Lalwa Moiz.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Ebre 9:25

I pa'n antre pour ofer li plizyer fwa, parey Gran-Pret ti antre dan Lasal Tre Sen toulezan avek disan ki pa son prop disan.

Ebre 9:26

Otreman, i ti ava bezwen soufer plizyer fwa depi kreasyon lemonn. An realite, i'n aparet en fwa pour tou, la dan lafen letan, pour abolir pese, par ofer son prop lekor an sakrifis.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

Ebre 9:7

Me zis Gran-Pret ki ti penetre dan dezyenm parti e zis en fwa par an. I ti bezwen antre avek disan ki i ti dabor ofer devan Bondye pour pardon son pese, answit pour pardon pese lepep.