Ebre 7:25 - Labib An Kreol Seselwa

²⁵ Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Ebre 7:25 ပူးပေါင်းရင်းမြစ်များ

Liv Zob 22:17

Zot ti dir avek Bondye: Les nou trankil. Ki Bondye liniver i kapab fer nou?

Liv Zob 23:3

Si mon ti konnen kote i ete, mon ti ava kapab ariv ziska kot li.

Ezai 45:22

Zot tou ki reste dan bout later, retourn kot mwan e zot ava ganny sove. Akoz mwan menm ki Bondye e napa okenn lot.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 53:12

Pour sa rezon ki mon pou donn li en par avek bann gran. I ava ganny en parti larises bann lennmi. I'n depouy li ziska lanmor e i ti'n ganny plase parmi bann bandi. Sepandan, i'n pran lo li pese en kantite dimoun e pled pour bann kriminel.

Ezai 59:16

I ti war ti napa personn e i ti tris ki ti napa personn pour entervenir. Alor, son lebra ti donn li laviktwar; son lazistis ki ti soutenir li.

Ezai 63:1

Lekel sa enn ki pe vini sorti Edonm, sa enn ki sorti lavil Bosra, abiye dan lenz avek tas disan lo la? Lekel sa enn ki'n abiye dan zoli lenz, ki pe aprose avek lafyerte, avek lasirans dan son lafors? Se mwan menm sa enn ki rann lazistis, ki sov avek pwisans.

Zeremi 3:22

Zot tou bann zanfan rebel ki'n tourn zot ledo kont SENYER, retourn kot li; i ava pardonn zot, zot enfidelite. Zot dir: Wi, nou pe retourn ver ou SENYER, akoz ou menm nou Bondye.

Danyel 3:15

Aprezan, met zot pare, kan zot antann son tronpet, laflit, sitar, triyang, laarp, tanbour, e tou lezot lenstriman lanmizik, zot ava prosternen pour ador sa stati ki mon'n fer. Si zot pa ador li, zot pou deswit ganny zete dan fourno laflanm dife. Lekel sa bondye ki pou sov zot dan mon lanmen?”

Danyel 3:17

Mazeste! Nou Bondye ki nou servi, i kapab sov nou dan sa fourno laflanm dife, e dan ou lanmen.

Danyel 3:29

Alor, mon ordonn tou bann pep, tou zabitan ki sorti dan diferan pei e ki koz bann diferan langaz: Okenn dimoun ki koz kont Bondye Sadrak, Mesak e Abed-Nego, pou ganny touye e zot lakaz pou ganny detri, akoz napa okenn lot Bondye ki kapab anmenn delivrans parey.”

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Levanzil dapre Zan 14:13

Tou sa ki zot pou demande lo mon non, mon pou fer li, pour ki Papa i ganny glorifye dan son Garson.

Levanzil dapre Zan 14:16

Mwan, mon pou demann Papa, donn zot en lot Konseye pour ki i reste avek zot pour touzour.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Romen 5:2

Gras a Zezi, nou kapab, par lafwa, ganny lagras Bondye, dan ki nou annan lavi. Sa ki fer nou fyer, se lespwar pour ganny en par dan mazeste Bondye.

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

1 Korentyen 1:21

Annefe, lemonn avek tou son lasazes pa'n kapab rekonnet Bondye, la kot Bondye in montre son lasazes. Pour sa rezon ki Bondye in deside pour sov bann ki krwar par sa mesaz lakrwa ki nou pe prese, menm si i paret en lafoli.

Efezyen 2:18

Annefe, par Kris, nou tou, Zwif e non-Zwif, nou kapab prezant nou devan Bondye avek led sa menm Lespri Sen.

Efezyen 3:12

Ini avek Kris e par nou lafwa dan li, nou annan sa liberte pour prezant nou devan Bondye ranpli avek konfyans.

Efezyen 3:20

Anver sa enn ki annan pouvwar fer bokou plis ki sa ki nou demande, oubyen mazinen, par son pwisans ki azir dan nou,

Filipyen 3:21

Par sa pwisans ki met tou keksoz anba son lotorite, i pou transform nou lekor feb pour fer li vin parey son lekor glorye.

1 Timote 2:5

Annefe, i annan en sel Bondye e en sel medyater ant Bondye ek bann imen: En zonm, Zezi-Kri,

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.

Ebre 2:18

Annefe, li menm i'n soufer, e i'n ganny tante. Alor, aprezan i kapab ed tou bann ki ganny tante.

Ebre 2:9

Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

Ebre 7:16

En pret, ki pa'n ganny etabli dapre bann relasyon avek desandans imen. In vin pret par pwisans en lavi ki eternel.

Ebre 7:19

Annefe, Lalwa Moiz pa ti kapab rann nanryen parfe. Aprezan, nou'n ganny en lesperans meyer ki permet nou apros kot Bondye.

Ebre 7:24

Me akoz Zezi i vivan pour leternite, son saserdos osi i pour touzour.

Ebre 7:8

Dan sa ka, ladim i ganny resevwar par bann zonm mortel; me dan ka Melkisedek, par enn ki'n ganny ateste ki i touzour vivan.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

Let Zid 1:24

Pour sa enn ki anpes zot tonbe; ki kapab fer zot konparet san fot e dan lazwa devan son prezans glorye;