Ebre 7:22 - Labib An Kreol Seselwa

²² Donk, par sa parol, Zezi i garanti nou en meyer lalyans.

Ebre 7:22 ပူးပေါင်းရင်းမြစ်များ

Zenez 43:9

Mon ava responsab pour li. Si mon pa retourn avek li e met li devan ou, mon ava koupab devan ou pour sa fot pour touzour.

Zenez 44:32

Mwan ou serviter, mon'n pran responsabilite pour sa garson. Mon ti dir mon papa, si mon pa retourn avek li kot ou, mon pou reste touzour koupab mon lavi antye, devan mon papa.

Psonm 119:122

Promet ki ou ava fer boner ou serviter; pas les bann arogan kraz mwan.

Proverb 20:16

Si en dimoun i vin kot ou pour responsab det en dimoun ki ou pa konnen, pran son lenz an gaz; si i responsab det bann etranze, fodre ou egzize ki i donn en garanti.

Proverb 6:1

Mon garson! Si ou'n port ou garan anver ou prosen; si ou'n angaz ou pour en etranze;

Ezai 38:14

Mon kriye parey en zirondel; mon plennyen parey en tourtrel. Mon lizye i fatige afors get anler ver lesyel. SENYER! Sekour mwan dan mon lapenn.

Danyel 9:27

I pou fer en lalyans solid avek bokou pour en semenn; e pandan lanmwatye en semenn, i pou fer arete sakrifis ek lofrann. En devastater pou met anplas en pratik degoutan, ziska son prop destriksyon, dapre sa ki'n ganny deside.

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Mark 14:24

I ti dir zot, “Sa i mon disan, disan lalyans ki'n ganny verse pour bokou.

Levanzil dapre Lik 22:20

Demenm, apre repa, i ti osi pran lakoup. I ti dir, “Sa lakoup i nouvo lalyans dan mon disan ki'n ganny verse pour zot.”

1 Korentyen 11:25

Demenm, apre repa, i ti pran lakoup. I ti dir, “Sa lakoup i nouvo lalyans par mon disan. Fer sa pour zot rapel mon prezans, sak fwa ki zot bwar li.”

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Ebre 7:23

I annan ankor en lot diferans: In egziste en kantite pret, akoz lanmor ti anpes zot kontinyen reste pret pour touzour.

Ebre 8:13

Kan Bondye ti koz lo en nouvo lalyans, i ti fer sa enn premye vin ansyen. Alor, sa enn ki ansyen e ki'n vyeyi, i pre pou disparet.