Ebre 6:9 - Labib An Kreol Seselwa

⁹ Mon bann zanmi! Menm si nou koz konmsa, nou sir ki zot lo sa bon semen ki donn ladelivrans.

Ebre 6:9 ပူးပေါင်းရင်းမြစ်များ

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Mark 16:16

Sa enn ki ava krwar e ki ava ganny batize, pou ganny sove. Me sa enn ki pa krwar, pou ganny kondannen.

Akt de Zapot 11:18

Apre ki zot ti'n antann sa bann parol, zot ti reste trankil e zot ti rann glwar Bondye. Zot ti dir: Alor i vre ki Bondye in donn bann ki pa Zwif, posibilite pour sanz zot fason viv e resevwar sa nouvo lavi!

Akt de Zapot 20:21

Mon'n sipliy Zwif koman Grek pour tourn kot Bondye e krwar dan nou Senyer Zezi-Kri.

1 Korentyen 10:14

Alor, mon bann zanmi! Elwanny zot avek ladorasyon bann zidol.

2 Korentyen 12:19

Petet zot pe mazinen ki depi lontan, nou pe prepar nou defans devan zot? Non, mon bann zanmi! Nou dir tousala devan Bondye, ini avek Kris, pour ankouraz zot dan zot lafwa.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

2 Korentyen 7:10

Annefe, latristes ki dapre plan Bondye, i prodwi repantans ki donn delivrans, san ki nou bezwen regrete. Me latristes ki vin akoz bann traka lemonn, i prodwi lanmor.

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Ebre 10:34

Zot ti annan konpasyon pour bann prizonnyen; kan zot byen ti ganny sezi, zot ti aksepte sa avek lazwa, akoz zot ti konnen ki zot ti posed bann byen bokou meyer ki dire pour touzour.

Ebre 10:39

Nou, nou pa parmi sa bann dimoun ki retourn annaryer e ki ganny detri. Okontrer, nou parmi bann ki annan lafwa e ki pou ganny sove.

Ebre 2:3

Alor, koman nou, nou pou kapab sap pinisyon si nou negliz en tel gran delivrans? Sa delivrans, Senyer li menm ti anonse an premye; apre, bann ki ti tande ti konfirm li avek nou.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

2 Pyer 3:1

Mon bann zanmi! Sa i dezyenm let ki mon ekri zot. Dan tou le de, mon'n fer zot rapel bann souvenir ki ava ed zot konpran.

1 Zan 2:7

Mon bann zanmi! Pa en komannman nouvo ki mon pe ekri, me en vye komannman ki zot in resevwar depi o konmansman. Sa vye komannman i Parol ki zot in deza tande.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.