Ebre 6:8 - Labib An Kreol Seselwa

⁸ Me si i prodwi zis zarbis pikan ek move zerb, sa later pa vo nanryen. I pou ganny modi par Bondye a ganny detri par dife.

Ebre 6:8 ပူးပေါင်းရင်းမြစ်များ

Zenez 4:11

Dezormen, ou anba malediksyon, ou pou ganny sase lo later ki'n ouver labous pour resevwar disan ou frer ki ou'n touye avek ou lanmen.

Zenez 5:29

I ti apel li Noe. I ti dir: I pou en konsolasyon pour nou dan nou travay ek fatig lo sa later modi.

2 Samyel 23:7

Sa enn ki tous sa bann bison ava bezwen servi en zouti anfer oubyen en lans an bwa; zot ava ganny zete lanmenm dan dife.

Liv Zob 31:40

alor, mon demann zarbis pikan pouse dan plas dible, e move zerb dan plas lorz. Sa i bann parol Zob.

Psonm 107:34

Akoz mesanste son bann zabitan, en later fertil in vin en laplenn disel.

Ezai 27:4

Mon nepli pran lakoler kont li. Me si i vin bann zarbis ki annan pikan, mon pou lager kont zot e mon pou bril zot,

Zeremi 17:6

I parey en zarbis dan dezer ki pouse dan en later sek, dan en later vid, ranpli avek disel kot nanryen pa pouse, kot personn pa reste.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Ezekyel 20:47

Dir lafore Negev: Ekout parol SENYER, la sa ki Senyer BONDYE i deklare: Mon pou alim en dife ki pou bril tou pye dibwa dan ou lafore, bann ki ver oubyen bann sek. Personn pa pou kapab tenny li. Depi Nor ziska Sid, tou pou ganny brile par lasaler son laflanm.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Matye 7:19

Tou pye dibwa ki pa raport bon fri i ganny koupe e zete dan dife.

Mark 11:14

I ti dir avek sa pye fig, “Personn pa pou zanmen manz ou fri ankor.” Son bann disip ti antann li dir sa.

Mark 11:21

Pyer ti rapel sa ki ti'n pase. I ti dir avek Zezi, “Met, gete! Sa pye fig ki ou ti modi in sek.”

Levanzil dapre Zan 15:6

Tou dimoun ki pa reste ini avek mwan, parey en brans, i ganny rezete e i sek. Brans sek, i ganny ranmase, zet dan dife e ganny brile.

Deterononm 29:28

Dan son gran lakoler e avek endinyasyon, SENYER ti derasin zot lo zot later e zet zot dan en lot pei, parey sa ki pe arive ozordi.

Ebre 10:27

I reste zis pour espere dan lafreyer, Zizman Bondye ek sa dife feros ki pou devor tou son bann lennmi.

Ebre 12:17

Zot konnen ki plitar i ti oule resevwar benediksyon son papa, me i ti ganny rezete. I pa ti trouv okenn fason repanti, menm si i ti rod sa benediksyon avek larm.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.