Ebre 6:19 - Labib An Kreol Seselwa

¹⁹ Sa lesperans i pour nou koman en lank pour nou lavi. I sir e solid. I travers rido Tanp ki dan lesyel ziska dan sanktyer.

Ebre 6:19 ပူးပေါင်းရင်းမြစ်များ

Psonm 39:7

Aprezan SENYER! Ki i annan ankor pour espere? Tou mon lespwar i dan ou.

Psonm 42:11

Akoz mon dekouraze? Akoz mon plenny lo mon sor? Met ou konfyans dan Bondye! Loue li ankor, i mon Sover e mon Bondye!

Psonm 42:5

Akoz mon dekouraze? Akoz mon plenny lo mon sor? Met ou konfyans dan Bondye! Mon pou loue li ankor, li, mon Sover.

Psonm 43:5

Akoz mon dekouraze? Akoz mon plenny lo mon sor? Met ou lespwar dan Bondye! Mon pou loue li ankor, mon Sover e mon Bondye.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 28:16

La sa ki Senyer BONDYE i deklare: La mon poz en ros fondasyon dan Siyon. En ros ki'n ganny byen swazir; en ros kwen presye, en fondasyon sir. Sa enn ki krwar dan li pa pou dezapwente.

Levitik 16:15

Apre, i ava egorz sa bouk pour sakrifis pardon pese lepep. I ava anmenn son disan lo lot kote rido, fer laspersyon lo kouvertir sakre e devan Kof Lalyans, parey i ti fer avek disan toro.

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Zakari 9:12

Prizonnyen ki annan ankor lespwar! Retourn dan ou fortifikasyon. Ozordi mon deklare: Mon pou double ou rekonpans.

Matye 27:51

Alor, rido dan Tanp ti desir an de, depi anler ziska anba. Later ti tranble, bann gro ros ti fann.

Akt de Zapot 23:6

Pol ti remarke ki dan konsey ti annan serten ki ti dan group Farizyen e serten ti Sadiseen. Alor, i ti kriye devan zot, “Mon bann frer! Mon en Farizyen e mon bann paran ti osi Farizyen. Mon pe ganny zize la devan zot akoz mon espere ki bann mor pou resisite!”

Akt de Zapot 27:29

Akoz zot ti per ki nou bato i tap en ros, zot ti zet kat lank par deryer bato e esper avek enpasyans pour lizour fer.

Akt de Zapot 27:40

Zot ti delarg bann lank e les zot koule dan lanmer. Anmenmtan, zot ti delarg bann lakord ki ti anmar zaviron ki ti servi koman gouvernay. Apre sa, zot ti is fok pour fer divan pous bato e anmenn li ver lans.

Romen 4:16

Pour sa rezon, sa promes i depann lo lafwa, pour ki i vin en don gratwi ki Bondye i fer, e pour ki i valab pour tou bann desandan Abrahanm. Non pa zis pour bann ki obei Lalwa, me pour tou dimoun ki krwar, parey Abrahanm ti krwar. Annefe, Abrahanm i papa nou tou.

Romen 4:18

Menm kan ti sanble nepli annan lespwar, Abrahanm ti krwar e i ti espere. Alor, i ti vin papa en kantite nasyon, parey Bondye ti'n dir li: Ou bann desandan pou nonbre.

Romen 5:4

lapasyans i prodwi fidelite malgre leprev, e fidelite i prodwi lesperans.

1 Korentyen 13:13

Aprezan, lafwa, lesperans ek lanmour i reste ansanm. Me lanmour i pli gran ki tou.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

Efezyen 2:6

I'n resisit nou avek li, pour fer nou renny ansanm avek li dan lesyel, avek Zezi-Kri.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Kolosyen 3:1

Par konsekan, si zot in resisite avek Kris, rod bann keksoz ki dan lesyel, kot Kris pe asize dan kote drwat Bondye.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Ebre 4:16

Alor, annou apros avek konfyans devan tronn lagras Bondye, pour ki nou ganny pardonnen e trouv lagras pour ed nou dan bon moman.

Ebre 9:3

Deryer dezyenm rido ti annan en latant ki ti apel Lasal Tre Sen.

Ebre 9:7

Me zis Gran-Pret ki ti penetre dan dezyenm parti e zis en fwa par an. I ti bezwen antre avek disan ki i ti dabor ofer devan Bondye pour pardon son pese, answit pour pardon pese lepep.

1 Pyer 1:3

Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,