Ebre 6:17 - Labib An Kreol Seselwa

¹⁷ Ensi, Bondye ti oule fer sir ki sa bann ki devre benefisye son promes, zot konpran klerman ki i pa pou zanmen retourn lo son desizyon. Alor, i ti konfirm sa promes par en serman.

Ebre 6:17 ပူးပေါင်းရင်းမြစ်များ

Zenez 26:28

Zot ti dir, “Nou oblize aksepte ki SENYER i avek ou. Alor, nou pe dir ki ti ava bon annan en lalyans ant ou ek nou. Annou fer en lalyans:

Psonm 110:4

SENYER in fer sa serman e i pa pou sanze: Ou pret pour touzour, dapre lord Melkisedek.

Psonm 33:11

Me bann plan SENYER i dire pour touzour. Son bann proze i reste pour leternite.

Psonm 36:8

Kot ou, manze i annabondans; ou fer zot bwar dan larivyer ou labonte.

Egzod 22:11

sa zafer ant sa de parti ava ganny deside par en serman devan SENYER. Sa zonm ava deklare ki i pa'n vole. Propriyeter sa zannimo ava aksepte sa serman e lot pa pou annan okenn konpansasyon pour peye.

Proverb 19:21

Zonm i fer bokou proze; me zis lavolonte SENYER ki ganny realize.

Kantik Salomon 5:1

Mon pti ser! Mon fiyanse! Mon'n vin dan mon zarden! Mon vin rekolte mon lamir ek mon zepis. Mon manz mon gof dimyel. Mon bwar mon diven ek mon dile. Zanmi! Manze! Bwar! Soul ou avek lanmour.

Ezai 14:24

SENYER liniver in fer en serman: Tou pou arive parey mon'n predir; tou pou arive parey mon'n deside.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Ezai 55:11

demenm, parol ki pou sorti dan mon labous pa pour retourn ver mwan san ki i'n fer son lefe, san ki i'n akonpli mon dezir e realiz sa ki mon'n anvoy li fer.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

Levanzil dapre Zan 10:10

Voler i vin zis pour vole, touye e detri. Mwan, mon'n vin pour zot ganny lavi, en lavi annabondans.

Romen 11:29

Annefe, don lagras ek swa ki Bondye i fer pa zanmen sanze.

Romen 8:17

E si nou son bann zanfan, alor, nou osi son bann zeritye: Zeritye Bondye, e zeritye ansanm avek Kris, akoz si nou soufer avek li, nou pou osi ganny glorifye avek li.

Galat 3:29

E si zot pour Kris, alor, zot bann desandan Abrahanm, e zeritye promes ki Bondye in fer.

Efezyen 1:11

Dan nou linyon avek Kris, nou'n resevwar par ki nou ti'n ganny promet. Annefe, dapre son plan, Bondye ti'n swazir nou davans, e Bondye i realiz tou, dapre sa ki i'n oule e ki i'n deside.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Ebre 11:9

Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.

Ebre 6:16

Kan en dimoun i fer en serman, i fer li par enn ki pli gran ki li. Sa serman i konfirm tou sa ki i'n dir, e fer arete tou largiman.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

1 Pyer 1:3

Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,

1 Pyer 3:7

Zot osi bann mari! Dan lakour, viv dan larmoni sakenn avek son fanm. Tenir kont zot natir ki pli frazil. Tret zot avek respe, akoz zot osi, zot pou resevwar ansanm avek zot, sa kado vre lavi ki sorti kot Bondye. Si zot azir konmsa, zot lapriyer pa pou rankontre okenn lobstak.