Ebre 4:9 - Labib An Kreol Seselwa

⁹ Sa i vedir ki i annan ankor en repo pour pep Bondye. Sa i setyenm zour.

Ebre 4:9 ပူးပေါင်းရင်းမြစ်များ

Psonm 47:9

Tou sef bann nasyon in rasanble avek pep Bondye Abrahanm. Tou pouvwar ki lo later i sorti kot Bondye. I par lao tou.

Egzod 16:30

Alor lepep ti repoze setyenm zour.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 57:2

Me zot ava antre dan lape. Sa bann ki mars drwat ava dormi anpe lo zot lili.

Matye 1:21

I pou donn nesans en garson, e ou ava apel li Zezi, akoz i pou sov son pep dan son bann pese.”

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 11:25

I ti prefere ganny maltrete ansanm avek pep Bondye, plito ki zouir plezir pese pandan en pti pe letan.

Ebre 3:11

Dan mon lakoler, mon ti fer sa serman: Zot pa pou antre dan mon repo.

Ebre 4:1

Bondye in les nou sa promes konmkwa nou pou kapab antre dan son repo ki i'n prepare pour nou. Alor, annou fer byen atansyon ki personn parmi zot pa mank lokazyon antre dan sa repo.

Ebre 4:10

Annefe, sa enn ki antre dan sa repo Bondye, i repoze avek son travay, parey Bondye ti repoze avek sa ki pour li.

Ebre 4:3

Nou ki krwar, nou pou antre dan sa repo Bondye. I ti deklare: Dan mon lakoler, mon ti fer sa serman: Zot pa pou antre dan sa pei kot mon'n prepar en repo pour zot. I ti dir sa, menm si son travay ti'n fini depi ki i ti kre lemonn.

Ebre 4:8

Annefe, si Zozye ti'n kondwir pep Izrael dan sa repo, Bondye pa ti ava'n koz plitar, lo en lot zour.

1 Pyer 2:10

Otrefwa, zot pa ti son pep. Me aprezan zot in vin pep Bondye. Otrefwa, zot pa ti konn konpasyon Bondye. Me aprezan zot in ganny mizerikord.

Revelasyon 14:13

Mon ti antann en lavwa sorti dan lesyel ki ti dir: Ekri: Byennere aprezan, bann dimoun ki mor an kominyon avek Senyer! Lespri i dir: Wi! Zot kapab repoze apre zot travay, akoz zot bann aksyon i swiv zot.

Revelasyon 21:4

I pou eswiy tou larm dan zot lizye. Lanmor pou nepli egziste. Pou nepli annan ni dey, ni larm, ni soufrans, akoz lemonn ansyen in disparet.