Ebre 4:14 - Labib An Kreol Seselwa

¹⁴ Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

Ebre 4:14 ပူးပေါင်းရင်းမြစ်များ

Ezekyel 46:10

Kan zot antre, prens ki gouvern pei ava antre ansanm avek zot; kan zot sorti, i ava osi sorti avek zot.

Matye 4:3

Dyab ti vin tant Zezi. I ti dir li, “Si ou Garson Bondye, donn lord ki sa bann ros i vin dipen.”

Mark 1:1

La Bonn Nouvel Zezi-Kri, Garson Bondye.

Mark 16:19

Apre ki Senyer Zezi ti'n fini koz avek zot, i ti mont dan lesyel e asiz lo kote drwat Bondye.

Levanzil dapre Lik 24:51

Letan i ti pe beni zot, i ti kit zot e mont dan lesyel.

Akt de Zapot 1:11

Sa de zonm ti dir zot, “Galileen! Akoz zot reste la pe get dan lesyel? Sa Zezi ki'n ganny anleve dan lesyel parmi zot, pou retournen dan menm mannyer ki zot in war li mont dan lesyel.”

Akt de Zapot 3:21

Pour lemoman, Zezi-Kri i bezwen reste dan lesyel ziska letan i arive pour renouvle tou keksoz, parey Bondye in anonse depi lontan par bann profet ki pour Bondye.

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

2 Korentyen 12:2

Mon konn en zonm kretyen ki, 14 an pase, ti ganny anmennen ziska trwazyenm lesyel. Si i ti mont avek son lekor oubyen san son lekor, sa mon pa konnen, Bondye ki konnen. Sa zonm ti monte ziska trwazyenm lesyel.

2 Korentyen 9:13

Bokou dimoun ki pou apresye valer sa don, pou rann glwar Bondye pour zot lobeisans ki temwanny zot fidelite anver Bonn Nouvel Kris. Sa don ava osi rann glwar Bondye pour zot zenerozite dan partaz sa ki zot annan avek sa bann frer e avek tou lezot ankor.

Efezyen 4:10

Sa enn ki'n desann, li menm ki'n mont par lao dan lesyel, landrwa pli o pour ranpli tou liniver avek son prezans.

Ebre 1:8

Me lo size son Garson i deklare: Bondye! Ou tronn in ganny etabli pour touzour. E ankor: Ou renny, i en renny ranpli avek lazistis.

Ebre 10:12

Kris par kont, apre ki i'n ofer en sel sakrifis pour pardon tou pese en fwa pour tou, in asiz lo kote drwat Bondye pour touzour.

Ebre 10:23

Annou tenir ferm nou lesperans, akoz sa enn ki'n fer sa promes i fidel.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 2:1

Pour sa rezon, nou bezwen port en pli gran latansyon pour mesaz ki nou'n tande, pour ki nou pa les nou ganny antrennen dan perdisyon.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 6:20

Lanmenm la kot Zezi in antre avan nou e pour nou. Annefe, i'n ganny etabli koman Gran-Pret pour touzour dapre lord Melkisedek.

Ebre 6:6

Pourtan, zot in retonm dan zot vye mannyer viv. I enposib fer zot sanz zot lavi ankor en fwa. Annefe, zot pe krisifye Garson Bondye e zot pe dezonor li piblikman.

Ebre 7:3

Personn pa konn ni son papa, ni son manman, ni son zanset; e son lavi napa ni konmansman, ni lafen. Parey Garson Bondye, i reste pret pour touzour.

Ebre 8:1

Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.