Ebre 4:13 - Labib An Kreol Seselwa

¹³ Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

Ebre 4:13 ပူးပေါင်းရင်းမြစ်များ

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

2 Kronik 6:30

Alor, ou SENYER ekout zot depi lao dan lesyel kot ou reste, pardonn zot, tret zot dapre sa ki zot merite, akoz ou konn leker sakenn zot; wi, zis ou tousel ki konn leker bann imen.

Liv Zob 26:6

Devan Bondye lemonn lanmor napa sekre; nanryen pa kapab ganny kasyet devan son lizye.

Liv Zob 34:21

Annefe, lizye Bondye i swiv tou sa ki en zonm i fer e i war tou lepa ki i fer.

Liv Zob 38:17

Personn pa'n deza montre ou bann laport lanmor? Eski ou'n war bann laport lemonn lanmor?

Psonm 139:4

SENYER! Avan menm ki mon ouver labous, ou konnen deza ki mon pou dir.

Psonm 44:21

Bondye ki konn sekre leker imen, pa ti ava'n remarke?

Psonm 7:9

Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Psonm 90:8

Ou'n met nou bann fot devan ou. Nou bann pese sekre i ganny devwale devan ou lalimyer.

Proverb 15:11

SENYER i konnen sa ki pase dan lemonn lanmor; me i konn plis, sa ki pase dan leker imen.

Proverb 15:3

Lizye SENYER i partou; i obzerv dimoun bon koman move.

Proverb 5:21

Annefe, SENYER i war tou sa ki zonm i fer; i egzamin tou zot aksyon.

Eklezyas 12:14

Akoz Bondye pou ziz tou keksoz ki nou'n fer, tou sa ki dan kasyet, byen ou mal.

Zeremi 16:17

Mon war byen tou sa ki zot fer. Nanryen pa sap mwan; i kler ki zot koupab.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Danyel 2:22

I revel bann keksoz ki profon e bann ki sekre, I konnen sa ki kasyet dan fernwanr, akoz i antoure avek lalimyer.

Matye 6:4

Ou bon aksyon i devre reste sekre. Ou Papa ki war ou aksyon dan sekre, ava rekonpans ou.

Levanzil dapre Zan 2:24

Me Zezi pa ti fye zot, akoz i ti konn zot tou tre byen.

Levanzil dapre Zan 21:17

Apre, Zezi ti demann li pour en trwazyenm fwa, “Simon, garson Zan! Eski ou kontan mwan?” Pyer ti sagren ki Zezi ti demann li pour en trwazyenm fwa: Eski ou kontan mwan? Alor, i ti reponn, “Senyer ou konn tou; ou konnen ki mon kontan ou.” Zezi ti dir li, “Pran swen avek mon bann mouton.

Levanzil dapre Zan 4:16

Zezi ti dir li, “Al apel ou mari e apre retourn isi.”

Akt de Zapot 17:31

Annefe, i'n fikse en zour pour li ziz lemonn antye avek lazistis, par en zonm ki i'n swazir. I'n donn nou laprev, an resisitan sa zonm.”

Romen 2:16

Dapre Bonn Nouvel ki mon prese, sanmenm ki pou arive zour Bondye, par Zezi-Kri, ava ziz tou bann panse sekre ki dan leker dimoun.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”