Ebre 4:12 - Labib An Kreol Seselwa

¹² Parol Bondye i vivan e pwisan. I pli koupe ki en lepe ki koup de kote. I kapab penetre ziska pli profon nou leker, ziska zwentir ek lanmwel lezo. I kapab ziz tou dezir ek sekre leker imen.

Ebre 4:12 ပူးပေါင်းရင်းမြစ်များ

Psonm 110:2

Depi Siyon, SENYER pou agrandi ou dominasyon. I pou fer ou domin lo ou bann lennmi.

Psonm 119:130

Revelasyon ou parol i donn lalimyer; i donn disernman sa enn ki senp.

Psonm 139:2

Ou konnen ler mon asiz e ler mon leve. Ou konn tou mon lentansyon lontan avan.

Psonm 149:6

Ranpli zot labous avek louanz an loner Bondye avek zot lepe fite dan zot lanmen,

Psonm 45:3

Brav gerye! Atas ou lepe lo ou kote! Sa i fer ou grander ek ou loner.

Proverb 5:4

Me answit, i vin anmer parey labsent, fite parey en lepe lo son de kote.

Eklezyas 12:11

Parol bann zonm saz i parey en baton byen pwent e sa bann ki'n ekri li i parey en klou byen anfonse. Tousala, Bondye, sel berze ki'n enspir zot.

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 49:2

In fer mon labous parey en lepe ki byen fite; in kasyet mwan dan lonbraz son lanmen; in fer mwan vin parey en dart byen pwenti; in protez mwan dan son sak fles.

Ezai 55:11

demenm, parol ki pou sorti dan mon labous pa pour retourn ver mwan san ki i'n fer son lefe, san ki i'n akonpli mon dezir e realiz sa ki mon'n anvoy li fer.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 23:29

Mon mesaz pa i parey en dife ki bril tou? SENYER i deklare. Pa i parey en marto ki kas ros?

Levanzil dapre Lik 8:11

“La sinifikasyon sa parabol: Lagrenn, se Parol Bondye.

Levanzil dapre Zan 12:48

Sa enn ki rezet mwan e ki pa aksepte mon mesaz, i annan en ziz: Mon bann parol ki pou ziz li zour lafen lemonn.

Levanzil dapre Zan 6:51

Mwan menm mwan sa dipen vivan ki sorti dan lesyel. Sa enn ki manz sa dipen ava viv pour touzour. Dipen ki mon pou donn li, se mon laser ki mon donnen pour ki lemonn i viv.”

Akt de Zapot 2:37

Kan zot ti antann sa bann parol, zot ti trouble en kantite, e zot ti demann Pyer ek lezot zapot, “Frer! Ki nou devre fer?”

Akt de Zapot 4:31

Kan zot ti'n fini priye, landrwa kot zot ti'n reini ti sekwe. Zot tou, zot ti ranpli avek Lespri Sen e zot ti konmans anons mesaz Bondye san okenn lafreyer.

Akt de Zapot 5:33

Ler zot ti antann sa, bann manm Konsey ti pran en gran lakoler. Zot ti deside pour touy bann zapot.

Akt de Zapot 7:38

Li menm ki ti la avek pep Izrael ki ti'n rasanble dan dezer. I ti la avek nou bann zanset e avek lanz ki ti koz avek li lo montanny Sinai. I ti resevwar bann parol lavi pour transmet avek nou.

Romen 1:16

Mon pa onte pour anons Bonn Nouvel. Annefe, i en pwisans ki Bondye i servi pour sov tou dimoun ki krwar: Dabor bann Zwif, answit bann non-Zwif.

1 Korentyen 1:24

Me pour bann ki Bondye in apele, Zwif koman Grek, Kris i pwisans ek lasazes Bondye.

2 Korentyen 2:17

Nou pa parey sa kantite lezot dimoun ki fer komers avek Parol Bondye. O kontrer, akoz Bondye ki'n anvoy nou, nou koz avek senserite delapar Bondye, devan Bondye, ini avek Kris.

2 Korentyen 4:2

Nou'n fini rezet tou sa bann aksyon sekre oubyen ki fer onte. Nou pa fer nanryen pour tronp dimoun, e nou pa sanz Parol Bondye. O kontrer, nou montre laverite klerman. Nou fer tou pour ganny konfyans tou dimoun devan Bondye.

Efezyen 5:13

Me kan tou sa bann aksyon ava ganny ekspoze dan lalimyer, zot vre natir pou ganny revele klerman.

Efezyen 5:26

I'n fer sa pour konsakre Legliz pour Bondye, apre ki i'n pirifye li par delo ek laparol.

Efezyen 6:17

Met osi kas delivrans lo zot latet, e pran Parol Bondye koman en lepe ki Lespri Sen i donnen.

1 Tesalonisyen 2:13

Nou pa arete remersye Bondye pour en lot rezon: Kan nou ti anons zot Parol Bondye, zot ti ekoute e aksepte li, pa koman en parol zonm, me koman Parol Bondye tel ki i ete, e ki aktif dan zot, bann krwayan.

1 Tesalonisyen 5:23

Bondye ki donn lape, ava konsakre zot konpletman. I ava gard zot lespri, zot lekor ek zot et antye san repros pour retour nou Senyer Zezi-Kri.

Ebre 13:7

Rapel bann ansyen ki'n anons zot Parol Bondye. Mazinen ki mannyer zot in viv; imit zot lafwa.

Ebre 6:5

Zot in dekouver ki mannyer Parol Bondye i bon e zot in fer leksperyans bann pwisans lemonn fitir.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

1 Pyer 1:23

Annefe, zot in ganny en nouvo lavi, pa par en semans ki kapab ganny detri, me par enn ki pa kapab ganny detri: Sa i Parol Bondye. Sa Parol i vivan e eternel.

Revelasyon 1:16

Dan son lanmen drwat ti annan set zetwal. En lepe ki koup de kote ti sorti dan son labous e son figir ti koman soley midi, ler i pe tap avek tou son larder.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

Revelasyon 19:21

Leres ti ganny touye par lepe ki ti sorti dan labous sa enn ki ti pe mont sa seval. Bann zwazo ti manz tou zot laser ziska ki zot ti rasazye.

Revelasyon 2:16

Aprezan, abandonn ou pese. Sankwa, mon pou vin kot ou byento e mon pou konbat kont sa bann dimoun, avek lepe ki sorti dan mon labous.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

Ziz 3:16

Ehoud ti fabrik en lepe ki koup de kote, 50 santimet longer. I ti atas sa lepe anba son lenz, kot son kote drwat.