Ebre 3:6 - Labib An Kreol Seselwa

⁶ Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Ebre 3:6 ပူးပေါင်းရင်းမြစ်များ

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Ezekyel 46:10

Kan zot antre, prens ki gouvern pei ava antre ansanm avek zot; kan zot sorti, i ava osi sorti avek zot.

Matye 10:22

Tou dimoun pou ay zot akoz mwan. Me sa enn ki persevere ziska lafen, pou ganny sove.

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Matye 24:13

Me sa bann ki reste fidel ziska lafen pou ganny sove.

Romen 11:22

Remarke konman Bondye i montre son labonte ek son severite: Bondye i sever anver bann ki'n tonbe, me i bon avek ou, a kondisyon ki ou kontinyen kont lo son labonte. Sinon ou osi, ou ava ganny koupe parey en brans.

Romen 12:12

Reste dan lazwa akoz zot lesperans! Gard pasyans dan lasoufrans! Reste fidel dan lapriyer!

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Romen 5:2

Gras a Zezi, nou kapab, par lafwa, ganny lagras Bondye, dan ki nou annan lavi. Sa ki fer nou fyer, se lespwar pour ganny en par dan mazeste Bondye.

1 Korentyen 3:16

Pa zot konnen ki zot tanp Bondye e ki Lespri Bondye i reste dan zot?

1 Korentyen 6:19

Eski zot pa konnen ki zot lekor i Tanp Lespri Sen, sa Lespri ki dan zot, e ki Bondye in donn zot? Zot pa pour zot menm,

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Galat 6:10

Alor, pandan ki nou annan lokazyon, annou fer dibyen tou dimoun, sirtou nou bann frer ek ser dan lafwa.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Efezyen 3:12

Ini avek Kris e par nou lafwa dan li, nou annan sa liberte pour prezant nou devan Bondye ranpli avek konfyans.

Kolosyen 1:23

Sepandan, fodre ki zot kontinyen reste fidel dan lafwa lo en fondasyon solid. Fodre pa les zot ganny antrennen lwen avek sa lesperans ki zot in gannyen depi ki zot in antann Bonn Nouvel. Sanmenm sa Bonn Nouvel ki'n ganny anonse avek tou dimoun dan lemonn antye e pour ki mwan, Pol, mon'n vin son serviter.

1 Tesalonisyen 5:16

Reste touzour dan lazwa!

2 Tesalonisyen 2:16

Mon demande ki nou Senyer Zezi-Kri li menm, e Bondye, nou Papa ki'n kontan nou, e ki, par son lagras, i donn nou en lankourazman eternel ek en bon lesperans,

1 Timote 3:15

An tou ka, si mon tarde, ou ava konnen ki mannyer fodre konport ou dan lafanmir Bondye, savedir dan Legliz Bondye ki vivan, ki soutenir e protez laverite.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

Ebre 10:19

Mon bann frer! Dezormen, nou annan konfyans ki, par disan Zezi ki'n ganny verse, nou ava kapab antre libreman dan sanktyer.

Ebre 10:21

Nou annan aprezan, en Gran-Pret ki'n pran ansarz lakaz Bondye.

Ebre 10:23

Annou tenir ferm nou lesperans, akoz sa enn ki'n fer sa promes i fidel.

Ebre 10:35

Alor, pa perdi konfyans e zot ava ganny en gran rekonpans.

Ebre 11:1

Lafwa i larealite sa ki nou pe espere, sertitid dan keksoz ki nou pa war.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 4:11

Alor, annou fer tou zefor posib pour antre dan sa repo, pour ki personn pa tonbe par dezobeisans, parey nou bann zanset.

Ebre 4:14

Alor, pandan ki nou annan en Gran-Pret siprenm, Zezi, Garson Bondye ki'n travers lesyel, annou tenir byen for lafwa ki nou proklanmen.

Ebre 4:16

Alor, annou apros avek konfyans devan tronn lagras Bondye, pour ki nou ganny pardonnen e trouv lagras pour ed nou dan bon moman.

Ebre 6:11

Me nou oule ki sakenn parmi zot i reste aktif ziska lafen, pour fer sir ki zot lesperans i realize.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Ebre 7:19

Annefe, Lalwa Moiz pa ti kapab rann nanryen parfe. Aprezan, nou'n ganny en lesperans meyer ki permet nou apros kot Bondye.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?

Revelasyon 2:18

Ekri Lanz Legliz dan Tyatir: La sa ki Garson Bondye i deklare, sa enn ki son lizye i parey laflanm dife, e son lipye i parey bronz poli:

Revelasyon 2:25

Me tenir for sa ki zot posede, ziska ki mon retournen.

Revelasyon 2:26

Sa enn ki ranport laviktwar, sa enn ki kontiny mon travay ziska lafen, mon pou donn li pouvwar lo bann nasyon.

Revelasyon 3:11

Mon pe vini byento. Gard byen for sa ki ou posede pour ki personn pa aras ou, ou kouronn.