Ebre 3:5 - Labib An Kreol Seselwa

⁵ Moiz ti fidel dan lakaz Bondye koman en serviter, pour li vin en temwen konsernan sa ki pou ganny dir.

Ebre 3:5 ပူးပေါင်းရင်းမြစ်များ

Nehemi 9:14

Ou'n fer zot konn ou saba sakre e par lentermedyer Moiz, ou serviter, ou'n ansenny zot ou bann komannman, regleman ek lalwa.

Psonm 105:26

I ti anvoy son serviter Moiz ek Aaron ki i ti'n swazir.

Egzod 14:31

Pep Izrael ti war lafors lanmen SENYER kont bann Ezipsyen. Alor, lepep ti ganny respe pour SENYER. Zot ti krwar dan SENYER e dan son serviter Moiz.

Egzod 40:16

Moiz ti fer egzakteman tou sa ki SENYER ti'n ordonn li.

Nonm 12:7

I pa le ka avek mon serviter Moiz. Li menm sa zonm konfyans ki ansarz mon pep Izrael.

Matye 24:45

“Alor, lekel sa serviter fidel e saz, ki son met in kit ansarz bann domestik, pour nouri zot kan fodre?

Matye 25:21

Son met ti dir li: Ou'n byen fer. Ou en bon e fidel serviter! Ou'n fer byen dan en pti zafer; alor, mon pou donn ou en pli gran responsabilite. Vin partaz mon lazwa.

Levanzil dapre Lik 12:42

Zezi ti reponn li, “Lekel sa serviter fidel e onnet ki son met ava etabli li ansarz son lakour pour li donn lezot serviter zot rasyon dible kan fodre?

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Levanzil dapre Lik 24:44

Apre, i ti dir zot, “Pa sanmenm sa ki mon ti dir zot kan mon ti ankor avek zot: Tou keksoz ki'n ganny ekri lo mon size dan Lalwa Moiz, dan liv bann profet e dan bann Psonm, i bezwen ganny akonpli.”

Levanzil dapre Zan 5:39

Zot etidye Lekritir akoz zot mazinen ki zot ava trouv lavi eternel ladan. Zisteman, Lekritir menm ki rann temwannyaz dan mon faver.

Akt de Zapot 28:23

Zot ti fikse en randevou avek Pol. Sa zour, zot ti pli nonbre. Depi bomaten ziska aswar, Pol ti eksplike e anons zot Rwayonm Bondye. I ti konvenk zot konsernan Zezi, atraver Lalwa Moiz ek liv bann profet.

Akt de Zapot 7:37

Se sa menm Moiz ki ti dir avek bann Izraelit: Bondye pou anvoy zot en profet parey mwan, ki pou sorti parmi zot prop pep.

Romen 3:21

Me aprezan, Bondye in montre ki mannyer i rann nou zis devan li, san lentervansyon Lalwa Moiz. Lekritir ek bann profet in deza koz lo sa size:

1 Korentyen 4:2

Tou administrater, i devre ganny trouve fidel.

Deterononm 3:24

Senyer BONDYE! Ou'n konmans montre mwan, ou serviter, ou grander ek ou pwisans. Napa lot bondye dan lesyel oubyen lo later ki kapab akonpli bann mervey ek bann aksyon formidab!

Deterononm 34:5

Moiz, serviter SENYER, ti mor la dan pei Moab, parey SENYER ti'n deside.

1 Timote 1:12

Mon remersye Zezi-Kri, nou Senyer ki'n donn mwan lafors pour sa travay. Mon remersye li ki'n met son konfyans dan mwan, e ki'n swazir mwan pour son servis,

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Ebre 3:2

I ti fidel avek sa enn ki'n swazir li, parey Moiz ti fidel dan lakaz Bondye.

Ebre 3:4

Annefe, tou lakaz i bezwen annan en konstrikter; e konstrikter tou keksoz, se Bondye.

Ebre 8:5

Sa bann pret, fonksyon ki zot pe egzerse, i zis en kopi, en lonbraz sanktyer ki dan lesyel, akoz kan Moiz ti pe etabli sa latant, Bondye ti donn li sa lord: Ou ava fer tou parey sa model ki ou'n ganny montre lo montanny.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

Zozye 1:15

ziska ki SENYER in donn zot osi repo, e ki zot osi, zot ava'n pran posesyon sa pei ki SENYER in donn zot. Apre, zot ava retournen e pran posesyon pei sitye dan Les larivyer Zourden e ki Moiz, serviter SENYER, ti donn zot.”

Zozye 1:2

I ti dir li, “Mon serviter Moiz in mor. Aprezan, leve, travers larivyer Zourden, ou avek tou sa pep e antre dan sa pei ki mon pe donn bann Izraelit.

Zozye 1:7

Reste for e pran kouraz. Fer sir ou obei tou bann lalwa ki mon serviter Moiz ti ordonn ou. Pa tourn ni adrwat, ni agos, e ou ava reisi partou kot ou ava ale.

Zozye 8:31

parey Moiz, serviter SENYER, ti'n ordonn bann Izraelit, parey in ganny ekri dan Liv Lalwa Moiz: En lotel fer avek ros brit ki pa'n ganny taye avek okenn zouti anfer. Lo sa lotel, zot ti ofer bann sakrifis konplet ek sakrifis lape.

Zozye 8:33

Tou bann Izraelit, zot bann ansyen, zot bann sef e zot bann ziz, bann etranze ki ti pe reste parmi zot, ti debout lo sak kote, anfas avek Kof Lalyans SENYER ki bann pret-levit ti pe anmennen. Lanmwatye parmi zot ti plas zot lo kote montanny Garizim e lot lanmwatye lo kote montanny Ebal, parey Moiz, serviter SENYER ti'n ordonnen, pour zot beni pep Izrael.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.