Ebre 3:14 - Labib An Kreol Seselwa

¹⁴ Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 3:14 ပူးပေါင်းရင်းမြစ်များ

Romen 11:17

Me si detrwa brans en pye zoliv in ganny koupe e si ou ki en brans zoliv maron, ou'n ganny grefe dan son plas, ou, non-Zwif, ou pou benefisye lasev ki mont depi rasin sa pye zoliv.

Romen 11:22

Remarke konman Bondye i montre son labonte ek son severite: Bondye i sever anver bann ki'n tonbe, me i bon avek ou, a kondisyon ki ou kontinyen kont lo son labonte. Sinon ou osi, ou ava ganny koupe parey en brans.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

1 Korentyen 10:17

Akoz i annan en sel dipen, menm si i annan en kantite nou, nou form en sel lekor, akoz nou partaz menm dipen.

1 Korentyen 9:23

Mon fer tousala pour Bonn Nouvel, pour ki mon ava ganny en par dan bann byen ki i promet.

Efezyen 3:6

Sa sekre, se ki par mwayen Bonn Nouvel, bann non-Zwif i osi destinen pour ganny en par dan menm leritaz ki Bondye in rezerve pour son pep. Zot manm en menm lekor e zot osi, zot benefisye dan menm promes ki Bondye in fer dan Zezi-Kri.

Deterononm 1:35

Personn, pa enn dan sa zenerasyon pervers pou war sa bon pei ki mon'n promet donn zot bann zanset,

1 Timote 6:2

Bann lesklav ki zot met i krwayan, fodre pa ki zot mank respe anver li, anba preteks ki zot frer. O kontrer, zot devre servi sa bann met pli byen ankor, akoz sa ki pe benefisye zot servis, zot bann krwayan ki Bondye i kontan. La sa ki ou devre ansennyen e rekomande:

Ebre 11:1

Lafwa i larealite sa ki nou pe espere, sertitid dan keksoz ki nou pa war.

Ebre 12:10

Nou bann zanset ti koriz nou pour en pti pe letan, dapre mannyer ki zot ti war bon. Me Bondye, i koriz nou pour nou prop byen, pour ki nou partisip dan son sentete.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Ebre 6:11

Me nou oule ki sakenn parmi zot i reste aktif ziska lafen, pour fer sir ki zot lesperans i realize.

Ebre 6:4

Ki pou arive avek sa bann ki'n retonm dan zot vye mannyer viv? Zot in deza ganny eklere par lalimyer Bondye. Zot i'n gout bann don ki sorti dan lesyel; zot in ganny par dan don Lespri Sen.

1 Pyer 4:13

Okontrer, zot devre kontan ki zot pe partisip dan soufrans Kris. Konmsa, zot osi, zot ava ranpli avek lazwa, kan son laglwar ava ganny revele.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

1 Zan 1:3

Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.