Ebre 3:13 - Labib An Kreol Seselwa

¹³ Okontrer, ankouraz kanmarad tou le zour, osi lontan ki i apel “ozordi” pour ki personn parmi zot, pa les li ganny tronpe par pese e andirsi son leker.

Ebre 3:13 ပူးပေါင်းရင်းမြစ်များ

Proverb 28:26

Sa enn ki fer konfyans dan son prop zizman, i en fou; Me sa enn ki les li kondwir par lasazes, ava ganny delivre dan danze.

Ezai 44:20

I nouri li lo sa ki reste zis lasann. Son lespri pe derezonnen i nepli kapab disernen. I nepli kapab dir dan li menm: Sa ki dan mon lanmen drwat, i zis en fo?

Abdyas 1:3

Ou larogans ki pe tronp ou. Ou pe viv dan kavern ros, ou demer i anler lo montanny. Ou dir dan ou menm: Lekel ki kapab fer mwan desann.

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

Romen 7:11

Annefe, pese in sezi sa lokazyon, in tronp mwan par servi komannman; i'n donn mwan lanmor.

Efezyen 4:22

Zot devre alor debaras zot avek zot vye natir, ki ti zot fason viv otrefwa, ki ti anmenn larin par son bann dezir tronper.

1 Tesalonisyen 2:11

Zot konnen ki nou ti ansenny zot, ankouraz sakenn zot koman en papa i ankouraz son bann zanfan.

1 Tesalonisyen 4:18

Alor, konsol kanmarad avek sa bann parol.

1 Tesalonisyen 5:11

Alor, ankouraz e fortifye kanmarad, parey zot pe fer.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

Ebre 13:22

Mon bann frer! Mon demann zot pour siport avek pasyans sa bann parol lankourazman. Annefe, mon let pa long.

Let Zak 1:14

An realite, tou dimoun i ganny tante kan i les li ganny antrennen e atire par son prop move dezir.