Ebre 3:12 - Labib An Kreol Seselwa

¹² Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.

Ebre 3:12 ပူးပေါင်းရင်းမြစ်များ

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Liv Zob 21:14

Zot dir Bondye: Les nou trankil; nou pa anvi konn ou lavolonte.

Liv Zob 22:17

Zot ti dir avek Bondye: Les nou trankil. Ki Bondye liniver i kapab fer nou?

Psonm 18:21

Mon'n met an pratik komannman SENYER. Mon'n reste fidel anver mon Bondye.

Proverb 1:32

Annefe, bann fou pou disparet, akoz zot rezet lasazes. Bann fou i disparet par zot prop lensousyans.

Ezai 59:13

Nou'n revolte e nou'n dezobei SENYER; nou'n trai li e nou pa'n swiv nou Bondye. Nou'n koz lopresyon ek revolt; nou'n konsevwar bann mansonz ki nou'n medite dan fon nou leker.

Zeremi 11:8

Me zot pa'n ekoute, zot pa'n obei. Zot in persiste dan zot move mannyer. Alor, mon'n bezwen met an laplikasyon tou bann lartik sa lalyans ki zot pa'n respekte, malgre lord ki mon ti'n donn zot.

Zeremi 16:12

Me zot, zot in fer pli pir ki zot zanset: Zot tou, zot kontinyen reste dan lantetman e zot pa oule ekout sa ki mon dir zot.

Zeremi 17:5

La sa ki SENYER i deklare: Mon modi sa zonm ki met son konfyans dan zonm, ki met son konfyans zis dan zonm, ki rod son lafors dan bann mwayen imen. Son leker i lwen avek SENYER.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Zeremi 18:12

Zot pou reponn: Akfer nou bezwen sanze? Nou pou fer sa ki nou'n deside; nou pou swiv nou bann move lentansyon.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Ezekyel 14:5

Konmsa, mon pou tous leker pep Izrael ki'n abandonn mwan akoz zot zidol.

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Matye 16:16

Simon Pyer ti reponn, “Ou menm Mesi, Garson Bondye vivan.”

Matye 24:4

Zezi ti reponn zot, “Fer atansyon, pa les personn tronp zot.

Mark 13:23

Me zot, fer byen atansyon! Mon'n averti zot davans lo tou sa ki pou arive.”

Mark 13:33

Fer atansyon, veye! Annefe, zot pa konnen kan sa moman pou arive.

Mark 13:9

Me zot, fer atansyon. Zot pou ganny arete e ganny trennen devan bann tribinal. Zot pou ganny bate dan bann sinagog. Akoz mon non, zot pou debout devan bann dirizan pei ek bann lerwa. Zot ava mon bann temwen devan zot.

Levanzil dapre Lik 21:8

Zezi ti reponn, “Fer atansyon: Pa les zot ganny anbete. Annefe, en kantite pou servi mon non. Zot pou dir: Mwan menm Mesi. Sa letan in arive! Pa swiv zot.

Romen 11:21

Akoz si Bondye pa'n eparny bann brans natirel, pa krwar ki i pou eparny ou.

1 Korentyen 10:12

Alor, sa enn ki krwar i debout, fer atansyon ki i pa tonbe.

Kolosyen 2:8

Fer atansyon ki zot pa ganny atrape par bann fo largiman filozofik, ki pa fonde lo Kris, me lo lasazes imen, lo tradisyon zonm, ek bann lespri ki kontrol lemonn.

1 Tesalonisyen 1:9

Dimoun i rakonte ki mannyer zot in akey nou e koman zot in abandonn bann zidol pour servi Bondye ki vivan e vre.

Ebre 10:31

I terib pour tonm dan lanmen Bondye ki vivan.

Ebre 10:38

Me sa enn ki zis, pou viv par lafwa. Mon pa pran plezir avek sa enn ki retourn annaryer.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 3:10

Alor, mon ti pran lakoler avek sa pep. Mon ti dir: Zot leker i touzour egare avek mwan. Zot pa'n konpran mon semen.

Ebre 3:19

Alor, nou war ki zot pa ti kapab antre dan son repo, akoz zot ti'n refize krwar.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.