Ebre 3:1 - Labib An Kreol Seselwa

¹ Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 3:1 ပူးပေါင်းရင်းမြစ်များ

Psonm 110:4

SENYER in fer sa serman e i pa pou sanze: Ou pret pour touzour, dapre lord Melkisedek.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 41:20

Konmsa, tou dimoun ava kapab war e konnen; zot tou, zot ava kapab obzerve e konpran ki lanmen SENYER ki'n fer tousala, ki Bondye sen Izrael ki'n kree tousala.

Ezai 5:12

Lanmizik laarp ek lir, tanbouren, laflit ek diven i lakonpannyman dan zot bann lafet. Me zot pa remark sa ki SENYER in fer; ni travay ki son lanmen i'n akonpli.

Ezekyel 12:3

Ou ki en imen, prepar ou bagaz koman en egzile. Al annegzil letan i ankor lizour pour dimoun war ou. Sorti kot ou reste, al annegzil dan en lot landrwa, devan zot lizye; petet zot ava konpran, menm si zot en pep rebel.

Ezekyel 18:28

Akoz i'n rann kont e i'n deside abandonn son move lavi, sirman i ava viv, i pa pou mor.

Agze 1:5

Alor, la sa ki mwan, SENYER liniver, mon demann zot: Reflesi lo zot sityasyon.

Agze 2:15

SENYER ti dir ankor: Aprezan, reflesi ki pou arive apartir ozordi e dan lavenir. Avan ki ou ti rekonmans konstri mon tanp, e ki bann ros ti konmans ganny met enn lo lot,

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Levanzil dapre Zan 20:21

Zezi ti dir zot ankor, “Lape i avek zot. Parey Papa in anvoy mwan, mwan osi mon anvoy zot.”

Levanzil dapre Zan 20:27

Apre, i ti dir avek Toma, “Met ou ledwa isi e get mon lanmen; met ou lanmen la dan mon kote. Aret doute, me krwar.”

Akt de Zapot 1:15

Dan sa bann zour, pandan ki bann krwayan ti'n reini, apepre 120 dimoun an tou, Pyer ti debout parmi zot. I ti dir,

Romen 11:17

Me si detrwa brans en pye zoliv in ganny koupe e si ou ki en brans zoliv maron, ou'n ganny grefe dan son plas, ou, non-Zwif, ou pou benefisye lasev ki mont depi rasin sa pye zoliv.

Romen 15:27

Zot in deside fer sa par zot menm. Me an realite, se en det ki zot pe pey zot bann frer Zerizalenm. Annefe, bann non-Zwif in partisip dan benefis spirityel bann ki'n konverti. Aprezan, i zot devwar pour rann servis lo kote materyel.

Romen 15:8

Annefe, mon dir zot ki Kris in fer li serviter bann Zwif pour akonplir bann promes ki Bondye i'n fer avek zot bann zanset, bann patriars. Ensi, in montre ki Bondye i fidel.

Romen 9:24

Sa i konsern nou osi ki i'n swazir, pa zis parmi bann Zwif, me osi parmi lezot nasyon.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.

1 Korentyen 10:17

Akoz i annan en sel dipen, menm si i annan en kantite nou, nou form en sel lekor, akoz nou partaz menm dipen.

1 Korentyen 9:23

Mon fer tousala pour Bonn Nouvel, pour ki mon ava ganny en par dan bann byen ki i promet.

2 Korentyen 1:7

Nou lespwar dan zot i solid. Annefe, nou konnen ki koman zot annan par dan nou soufrans, zot osi annan par dan konsolasyon ki nou gannyen.

2 Korentyen 9:13

Bokou dimoun ki pou apresye valer sa don, pou rann glwar Bondye pour zot lobeisans ki temwanny zot fidelite anver Bonn Nouvel Kris. Sa don ava osi rann glwar Bondye pour zot zenerozite dan partaz sa ki zot annan avek sa bann frer e avek tou lezot ankor.

Efezyen 3:6

Sa sekre, se ki par mwayen Bonn Nouvel, bann non-Zwif i osi destinen pour ganny en par dan menm leritaz ki Bondye in rezerve pour son pep. Zot manm en menm lekor e zot osi, zot benefisye dan menm promes ki Bondye in fer dan Zezi-Kri.

Efezyen 4:1

Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Efezyen 4:4

I annan en sel lekor ek en sel Lespri, parey ki i annan en sel lesperans ver lekel Bondye in apel zot.

Filipyen 3:14

Mon taye pour mwan ariv lo bit, pour ganny sa pri ki Bondye, par Zezi-Kri, in apel nou pour resevwar depi lao.

Kolosyen 1:12

Remersye Bondye nou Papa dan lazwa: I'n rann zot kapab ganny par dan leritaz pep Bondye dan son rwayonm lalimyer.

Kolosyen 1:22

Me aprezan, par lanmor ki son Garson in sibir dan son lekor, Bondye in rekonsilye zot avek li, e fer zot vin sen, pir e san defo devan li.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

1 Tesalonisyen 2:12

Nou'n ankouraz zot, konsey zot e ensiste pour ki zot anmenn en lavi ki fer plezir Bondye. Annefe, li menm ki'n apel zot pour antre dan son Rwayonm e partisip dan son laglwar.

1 Tesalonisyen 5:27

Mon sipliy zot lo non Senyer: Lir sa let avek tou bann krwayan.

2 Tesalonisyen 1:11

Pour sa rezon ki nou priy toultan pour zot. Nou demann Bondye pour rann zot diny pour sa lavi ki i ofer zot. Nou demande ki par son pwisans, i realiz tou zot dezir pour fer sa ki byen e rann zot lafwa aktif.

2 Tesalonisyen 2:14

Se pour sa osi ki Bondye in apel zot par Bonn Nouvel ki nou'n anonse, pour ki zot annan par dan laglwar nou Senyer Zezi-Kri.

1 Timote 6:12

Konbat sa bon konba pour lafwa. Sezi lavi eternel pour lekel Bondye in apel ou kan ou ti fer sa zoli deklarasyon lo ou lafwa, dan prezans en kantite temwen.

1 Timote 6:2

Bann lesklav ki zot met i krwayan, fodre pa ki zot mank respe anver li, anba preteks ki zot frer. O kontrer, zot devre servi sa bann met pli byen ankor, akoz sa ki pe benefisye zot servis, zot bann krwayan ki Bondye i kontan. La sa ki ou devre ansennyen e rekomande:

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

2 Timote 2:7

Reflesi byen lo sa ki mon pe dir. Dayer, Senyer pour fer ou konpran tousala.

Ebre 10:19

Mon bann frer! Dezormen, nou annan konfyans ki, par disan Zezi ki'n ganny verse, nou ava kapab antre libreman dan sanktyer.

Ebre 10:21

Nou annan aprezan, en Gran-Pret ki'n pran ansarz lakaz Bondye.

Ebre 10:23

Annou tenir ferm nou lesperans, akoz sa enn ki'n fer sa promes i fidel.

Ebre 13:22

Mon bann frer! Mon demann zot pour siport avek pasyans sa bann parol lankourazman. Annefe, mon let pa long.

Ebre 2:11

Annefe, sa enn ki pirifye, ek bann ki ganny pirifye, zot tou, zot annan en menm papa. Pour sa rezon, Zezi pa onte pour apel zot son bann frer.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 3:12

Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 6:20

Lanmenm la kot Zezi in antre avan nou e pour nou. Annefe, i'n ganny etabli koman Gran-Pret pour touzour dapre lord Melkisedek.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 7:28

Annefe, Lalwa Moiz ti etabli koman Gran-Pret, bann zonm ki pa ti parfe. Me parol serman ki'n vin apre lalwa, i etabli en Garson ki'n vin parfe pour leternite.

Ebre 9:11

Me Kris in vini koman Gran-Pret bann bon keksoz ki'n arive. I'n penetre dan en latant ki meyer e pli parfe, ki pa'n fer par zonm e ki pa form parti sa kreasyon.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

1 Pyer 3:5

Konmsa menm ki bann fanm ki servi Bondye ti fer otrefwa. Zot ti met zot lespwar dan Bondye e soumet zot avek zot mari.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Zan 1:3

Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.

Let Zid 1:1

Sa let i sorti kot Zid, serviter Zezi-Kri, e frer Zak. Pour tou bann ki'n ganny apele par Bondye e ki viv dan lanmour Bondye Papa e ki ganny garde par Zezi-Kri.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 18:20

Lesyel! Rezoui lo son larin! Zot osi, pep Bondye, bann zapot, ek bann profet! Rezoui! Bondye in ziz li pour sa ki i'n fer zot.