Ebre 2:4 - Labib An Kreol Seselwa

⁴ Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

Ebre 2:4 ပူးပေါင်းရင်းမြစ်များ

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Mark 16:20

Bann disip ti al anons Bonn Nouvel partou. Senyer ti ed zot dan sa travay. I ti konfirm son mesaz par bann siny ki ti akonpanny li.

Mark 6:14

Lerwa Herod ti aprann tou sa ki Zezi ti pe fer, akoz son repitasyon ti'n fannen partou. Serten ti pe dir: Zanbatis in resisite. Pour sa rezon ki i annan pouvwar pour fer bann mirak.

Levanzil dapre Zan 15:26

Kan Konseye pou vini, Lespri laverite, ki mon pou anvoye sorti kot mon Papa, i pou temwanny dan mon faver.

Levanzil dapre Zan 4:48

Zezi ti dir li, “Si zot pa war siny ek mirak, zanmen zot pou krwar!”

Akt de Zapot 14:3

Sa pa ti anpes Pol ek Barnabas pour reste pli lontan dan Ikonyonm. Zot ti koz avek lasirans, e ranpli avek konfyans dan Senyer. Senyer ti donn zot pouvwar fer en kantite siny ek mirak. Konmsa, zot ti montre ki sa mesaz ki zot ti pe anonse lo lagras Bondye ti vre.

Akt de Zapot 4:10

Alor, i enportan ki zot tou, zot ek pep Izrael antye, zot konnen ki, si sa zonm i la devan zot konpletman an bonn sante, se par non Zezi-Kri, sa Nazareen ki zot ti krisifye e ki Bondye in resisite.

Akt de Zapot 5:32

Nou, nou temwen sa bann levennman, ensi ki Lespri Sen ki Bondye in donn bann ki obei li.”

Efezyen 1:5

Dan son lanmour, Bondye ti'n deside davans pour fer nou vin son bann garson atraver Zezi-Kri. Sanmenm sa ki i'n oule dan son bonte.

Efezyen 1:9

I'n fer nou konn son plan sekre dapre ki dan son bonte, i ti'n deside pour akonpli davans, par Kris.

Efezyen 4:7

Sepandan, sakenn parmi nou in resevwar en don spesyal dapre sa ki Kris in donnen.

Ebre 6:4

Ki pou arive avek sa bann ki'n retonm dan zot vye mannyer viv? Zot in deza ganny eklere par lalimyer Bondye. Zot i'n gout bann don ki sorti dan lesyel; zot in ganny par dan don Lespri Sen.