Ebre 2:3 - Labib An Kreol Seselwa

³ Alor, koman nou, nou pou kapab sap pinisyon si nou negliz en tel gran delivrans? Sa delivrans, Senyer li menm ti anonse an premye; apre, bann ki ti tande ti konfirm li avek nou.

Ebre 2:3 ပူးပေါင်းရင်းမြစ်များ

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 20:6

Sa zour, bann zabitan lakot sa pei pou dir: Gete ki'n arive avek sa bann dan ki nou ti'n met nou lespwar e kot ki nou ti sove pour al rod led ek delivrans kont lerwa Asiri! E nou! Ki mannyer nou pou sape ladan?

Ezai 51:5

Mon pa pour tarde vin sov zot; zot pre pour ganny libere e mon lebra ava ziz bann pep; zabitan bann zil pe esper mwan, zot pe kont lo mon pouvwar.

Ezai 51:8

akoz mit pou manz zot parey i manz lenz e lever pou manz zot parey i manz lalenn. Me mon delivrans i pour touzour e zot pou ganny sove zenerasyon apre zenerasyon.

Ezai 62:11

SENYER in proklanmen partou lo later: Al dir avek bann zabitan Siyon: Ou delivrans pe vini, ou lapey i avek li; ou rekonpans pe vini.

Ezekyel 17:15

Me i ti revolte kont li kan i ti anvoy bann anbasader Lezip pour demann seval ek en gran larme. Eski i pou reisi sov son lapo apre ki i'n fer en tel demars? Eski i kapab kas trete san fer fas avek son konsekans?

Ezekyel 17:18

I pa'n respekte son promes, akoz in kas lalyans apre ki i ti'n fer en serman; i pa pou kapab sove.

Matye 23:33

Zot bann serpan, ras viper! Ki mannyer zot ekspekte sap kondannasyon lanfer?

Matye 4:17

Apartir sa moman, Zezi ti konmans prese. I ti dir: Sanz zot mannyer viv, akoz Rwayonm lesyel i pros!

Mark 1:14

Apre ki Zan ti'n ganny arete e met dan prizon, Zezi ti vin Galile kot i ti proklanm Bonn Nouvel sorti kot Bondye.

Levanzil dapre Lik 1:2

Sa i parey sa ki bann temwen ki ti la depi o konmansman i'n transmet nou. Zot in vin bann serviter pour anons laparol.

Levanzil dapre Lik 1:69

I'n anvoy en pwisan sover pour nou, sorti parmi desandan lerwa David, son serviter.

Levanzil dapre Lik 24:19

Zezi ti demann zot, “Kwa ki'n arive?” Zot ti reponn li, “Lo size Zezi ki sorti Nazaret. I ti en gran profet an aksyon e an parol devan Bondye e devan lepep antye.

Levanzil dapre Zan 15:27

Zot osi, zot ava mon bann temwen, akoz zot in avek mwan depi o konmansman.”

Akt de Zapot 1:22

depi batenm Zan ziska zour ki i ti kit nou pour mont dan lesyel. Fodre ki enn sa bann zonm, i vin avek nou, temwen son rezireksyon.”

Akt de Zapot 2:22

Zabitan Izrael! Ekout mwan byen: Zezi, ki sorti Nazaret, i sa zonm ki Bondye ti swazir pour anvoy kot zot. Parey zot konnen, par li, Bondye in fer bann mirak, bann mervey ek bann siny ekstraordiner.

Akt de Zapot 4:12

Zis li menm ki kapab sov zot, akoz napa okenn lot non dan lemonn antye, ki Bondye in donnen par lekel nou kapab ganny sove.”

Romen 11:14

Mon swete eksit zalouzi pep mon prop ras, e ensi arive sov detrwa parmi zot.

Romen 2:3

Eski ou krwar ou pou sap zizman Bondye, ou ki ziz lezot, pour bann aksyon ki ou menm ou pe fer?

1 Korentyen 1:21

Annefe, lemonn avek tou son lasazes pa'n kapab rekonnet Bondye, la kot Bondye in montre son lasazes. Pour sa rezon ki Bondye in deside pour sov bann ki krwar par sa mesaz lakrwa ki nou pe prese, menm si i paret en lafoli.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

1 Timote 1:15

Sa parol i vre. I merit ganny aksepte plennman par tou dimoun: Zezi-Kri in vin dan lemonn pour sov bann peser; mwan an premye.

Let Pol pour bann Tit 2:11

Annefe, Bondye in revel son lagras pour sov tou dimoun.

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Ebre 1:14

Bann lanz, ki zot ete? Pa zot bann lespri ki servi Bondye, e ki ganny anvoye pour ed tou bann ki pou ganny sove?

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

Ebre 4:1

Bondye in les nou sa promes konmkwa nou pou kapab antre dan son repo ki i'n prepare pour nou. Alor, annou fer byen atansyon ki personn parmi zot pa mank lokazyon antre dan sa repo.

Ebre 4:11

Alor, annou fer tou zefor posib pour antre dan sa repo, pour ki personn pa tonbe par dezobeisans, parey nou bann zanset.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

1 Zan 1:1

Nou pe anons zot Parol lavi ki ti egziste depi o konmansman, ki nou'n tande, e ki nou'n war avek nou prop lizye. Nou'n kontanple li e nou'n tous li avek nou lanmen.

Let Zid 1:17

Me zot, mon bann zanmi! Rapel zot bann parol ki zot in tande depi lontan par bann zapot nou Senyer Zezi-Kri.

Revelasyon 7:10

Zot ti kriye avek en lavwa for: Nou delivrans i sorti kot nou Bondye ki pe asiz lo tronn e kot Zenn Mouton!